آئون

وکیپیڈیا سے

آئون کو اردو میں آین بھی لکھا جاتا ہے۔ بالائی شکل میں آین بننے کے عمل کی وضاحت کی گئی ہے۔ آسان طور پر یوں کہا جاسکتا ہے کہ اگر کسی ایک جوہر سے کوئی برقیہ نکل جاۓ (بائیں) اور دوسرے جوہر میں داخل ہوجاۓ (دائیں) تو جس جوہر سے برقیہ نکلتا ہے اس پر مثبت برقی بار آکر مثاین بن جاتا ہے اور جس میں داخل ہوتا ہے اس پر منفی برقی بار آکر مناین بن جاتا ہے۔
ایک ہائڈرونیم آین میں موجود توانائی کی سطحوں کی وضاحت۔
چند اھم الفاظ
آئون / آین مثبت آین مثاین منفی آین مناین تائین ion مث + آین -- مثاین cation منفی + آین -- مناین anion ionization

آئون / ion (جمع : آینات / ایونات) جسکو اردو میں ایون / آئن یا آین بھی لکھا جاتا ہے ، ایک ایسا ذرہ ہوتا ہے کہ جس نے قدرتی طور پر ایک تعدیلی جوہر ، سالمہ یا زیرجوہری زرے سے تبدیل ہوکر کوئی (مثبت یا منفی) بــار حاصل کرلیا ہو، اور ایسا اس وجہ سے ہوتا ہے کہ یا تو اسمیں سے ایک برقیہ (electron) نکل جاتا ہے یا ایک برقیہ اسمیں آجاتا ہے۔ جب برقیہ نکل جاۓ تو اس پر مثبت بار آجاتا ہے اور اگر برقیہ اسمیں آجاۓ تو اس پر منفی بار آجاتا ہے۔ آئون بننے کے طبیعیاتی عمل کو تائین (Ionization) کہا جاتا ہے۔

آین چند ایسے الفاظ میں شامل ہے کہ جس کو اس اردو دائرہ المعارف پر انگریزی سے اپنایا گیا ہے۔ ایسا کرنے کی دیگر وجوہات کے ساتھ ایک قابل ذکر وجہ یہ ہے کہ اس لفظ سے دیگر متعلقہ الفاظ اردو قواعد کے مطابق بنانے میں سہولت ہوگی اور وہ الفاظ اردو میں اجنبی بھی نہیں لگیں کے۔ مثال کے طور پر آین سے انگریزی میں Ionization کا لفظ بنتا ہے جسکو اردو قواعد کی رو سے تائین بنایا جاسکتا ہے۔ اسی طرح مثبت آین کو انگریزی میں cation کہا جاتا ہے جو کہ cathode کی مناسبت سے بنایا گیا لفظ ہے اور اردو میں اسے مثبت سے مث لیکر آین کے ساتھ لگا کر مثاین (cation) بنتا ہے۔ اسی طرح منفی آین کو انگریزی میں anion کہا جاتا ہے جو کہ anode کی مناسبت سے بنایا گیا لفظ ہے اور اردو میں اسے منفی سے من لیکر آین کے ساتھ لگا کر مناین (anion) بنایا جاتا ہے۔ ان الفاظ کی ایک فہرست سامنے شکل کے خانے میں دیکھی جاسکتی ہے۔

[ترمیم] عام مثاینات و مناینات کی فہرست

درج ذیل میں عام طور پر دیکھے جانے والے مثاینات و مناینات کی ایک فہرست دی جارہی ہے اس فہرست کے اندراجات انگریزی میں نظر آنے کی وجوہات کئی ہیں۔ انکی اردو کرنا گویا کہ مشکل تو ہے مگر نــا مـمـکـن ہرگز نہیں ہے اسکے باوجود خطرِ اعتراضات کے پیش نظر فی الحال ایسا کرنے سے اجتناب کیا جارہا ہے۔