آزر

حضرت ابراہیم علیہ السلام کے والد کا نام آزر سمجھا جاتا ہے جو درحقیقت انکے چچا تھے۔ اس غلط فہمی کی وجہ یہ ہو سکتی ہے کہ عربی میں چچا کو بھی باپ کہ کر پکارا جاتا ہے۔ آزر بت تراش، بت فروش اور بت پرست تھا۔ قرآن میں ہے (اور یاد کر جب کہا ابراہیم نے اپنے باپ آزر سے، کیا تو مورتیوں کو خدا بتاتا ہے۔ میں دیکھتا ہوں کہ تو اور تیری قوم صریح گمراہی میں ہے۔ (سورت انعام۔ آیہ 74) تورات میں حضرت ابراہیم علیہ سلام کے والد کا نام تارح (تارخ) بتایا گیا ہے۔ بعض علما کے مطابق آزر تاریخ کا معرب ہے۔