ابراج البیت
ابراج البیت سعودی عرب کے شہر مکہ میں زیر تعمیر ایک عمارت ہے جو 2010ء میں مکمل ہوگی۔ یہ حجم کے اعتبار سے دنیا کی سب سے بڑی اور سعودی عرب کی سب سے بلند عمارت ہوگی جس کی بلند 785 میٹر ہوگی۔ اس طرح وہ دنیا کی بلند ترین عمارات میں سے ایک ہوگی۔
اس زیر تعمیر عمارت کو مسجد حرام سے ملحقہ علاقے میں تعمیر کیا جارہا ہے جس کا مقصد حجاج کرام اور رمضان کے مہینے میں عمرہ کرنے والے افراد کی بڑھتی ہوئی تعداد کے پیش نظر انہیں رہائش کی بہتر سہولیات مہیا کرنا ہے۔
ابراج البیت 7 عمارتوں کا مجموعہ ہوگا جس میں ایک 4 منزلہ خریداری مرکز اور 8 ہزار گاڑیاں کھڑی کرنے کی سہولت بھی مہیا کی جائے گی۔ رہائشی برج میں مستقل رہائشی سہولیات میسر ہوں گی جبکہ دو ہیلی پورٹ اور ایک مجلسی مرکز بھی اس میں تعمیر کیا جائے گا۔ مجموعی طور پر اس میں 65 ہزار افراد رہائش اختیار کرسکیں گے۔
ابراج البیت کی مرکزی عمارت کی بلندی 577 میٹر یعنی (1893 فٹ) ہوگی جبکہ اس کی کل منزلیں 76 ہوں گی۔
اس عمارت میں شامل 7 برج، ان کی بلندی اور تکمیل کے سال درج ذیل ہیں:
| عمارت نام | بلندی | سالِ تکمیل |
|---|---|---|
| ہوٹل ٹاور | 577 میٹر | 2010ء |
| حجر | 260 میٹر | 2009ء |
| زمزم | 260 میٹر | 2006ء |
| مقام | 240 میٹر | 2008ء |
| سارہ | 240 میٹر | 2008ء |
| مروہ | 240 میٹر | 2006ء |
| صفا | 240 میٹر | 2007ء |
[ترمیم] بیرونی روابط
 |
وکیمیڈیا العام میں ابراج البیت سے متعلق وسیط موجود ہے |
