ابن خلدون

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
عبد الرحمن ابن خلدون

شہر تیونس میں ابن خلدون کا مجسمہ
مکمل نام عبد الرحمن ابن خلدون
پیدائش 27 مئی 1332 ء / 732 ھ تیونس
وفات 19 مارچ 1406 ء / 808 ھ قاہرہ
عہد عہد وسطی
علاقہ المغرب
مکتبہ فکر مالکی مذہب
شعبہ عمل تاریخ، معاشریات، معاشیات
افکار و نظریات عصبیہ
مؤثر شخصیات ابوبکرالرازی
متاثر شخصیات تقی الدین المقریزی


پیدائش؛ 1332ء وفات؛ 1406ء

مورخ، فقیہ ، فلسفی اور سیاستدان۔ پورا نام ابوزیدولی الدین عبدالرحمن ابن خلدون ۔ تیونس میں پیدا ہوا۔ اور تعلیم سے فراغت کے بعد تیونس کے سلطان ابوعنان کا وزیر مقرر ہوا۔ لیکن درباری سازشوں سے تنگ آکر حاکم غرناطہ کے پاس چلا گیا۔ یہ سر زمین بھی راس نہ آئی تو مصر آگیا۔ اور الازھر میں درس و تدریس پر مامور ہوا۔ مصر میں اس کو مالکی فقہ کا منصب قضا میں تفویض کیا گیا۔اسی عہدے پر وفات پائی۔ ابن خلدون کو تاریخ اور عمرانیات کا بانی تصور کیا جاتا ہے۔ اس نے العبر کے نام سے ہسپانوی عربوں کی تاریخ لکھی تھی جو دو جلدوں میں شائع ہوئی۔ لیکن اس کا سب سے بڑا کارنامہ۔ مقدمتہ فی التاریخ ہے جو مقدمہ ابن خلدون کے نام سے مشہور ہے۔ یہ تاریخ، سیاست ، عمرانیات ، اقتصادیات اور ادبیات کا گراں مایہ خزانہ ہے۔

اردو میں مقدمہ ابن خلدون کا ترجمہ معورف ادیب اور شاعر مرحوم ابو الخیر کشفی نے کیا ہے۔ ، اسے دار الاشاعت اردو بازار کراچی نے شائع کیا ہے۔ ، ترجمہ ۵۳۴ صفحات پر مشتمل ہے۔