اخلاقیات طب

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

اخلاقیاتِ طب (medical ethics) ، اخلاقیات اور طب کا ایک اہم شعبہ ہے جو طب اور مذہب و معاشرتی زندگی میں ہم آہنگی پیدا کرتا ہے۔ نفاذی اخلاقیات سے متعلق یہ علم ان آدابی اقدار (moral values) سے بحث کرتا ہے کہ جو طب و حکمت کے شعبہ جات پر مذہب و معاشرے کی جانب سے نافذ ہوتی ہوں۔ اخلاقیات طب میں سب سے اہم کردار خود اس پیشے سے تعلق رکھنے والے افراد (طبیب و ممرضات (nurses) وغیرہ) کا ہوتا ہے؛ ان افراد کے آپس میں روابط (طبیب - ممرضہ و ممرضہ - طبیب) کی اخلاقیات ، پھر طبیب و مریض اخلاقیات اور ان افراد کے اپنے پیشہ ورانہ اجازہ حاصل کرنے سے قبل اٹھائے اپنے حلف (عہد پیشہ وری) کی پاسداری کا مطالعہ شامل ہے۔ دنیا کے قریباً تمام معاشروں میں ہی طب کو ایک اعلٰی اور قابل عزت پیشے کے طور پر دیکھا جاتا ہے اور اسی وجہ سے اس شعبے سے تعلق رکھنے والے افراد کی اخلاقیات بھی بلند ہونے کی توقع رکھی جاتی ہے۔ طب کا شعبہ محض ظاہری حالتِ مریض تک محدود نہیں ہوتا بلکہ یہ انسان کے جسم اور معالجے و تحقیق کے دوران اس کی روح تک جاتا ہے اور یوں زندگی بنانے والے خالق کی شہادت اور نشانیوں اور اس کے علم سے منسلک ہوجاتا ہے؛ قرآن کی سورت الذاریات کی آیت 21 میں آتا ہے کہ؛

وَفِي أَنفُسِكُمْ أَفَلَا تُبْصِرُونٍَ
اور تمہارے اپنے وجود میں بھی۔ کیا پھر تم کو سوجھتا نہیں؟[1]

ایک مسلم طبیب یا اسلامی ممالک کے شفاخانوں اور مطوب میں کام کرنے والے افراد کے لیۓ اسلامی عہدِ زریں کے زمانے سے طبی اخلاقیات پر توجہ دی جاتی رہی ہے اور مذکورہ بالا آیت کی روشنی میں طب کے شعبے میں خالق کی نشانیوں کو اشرف المخلوقات میں آشکار کرنے کی وجہ سے طب ، پیشے اور روزگار کے ساتھ ساتھ عبادت کی حیثیت بھی حاصل کرلیتا ہے اور یوں عمومی اخلاقیات طب ، اسلامی شفاخانوں میں خصوصی اسلامی اخلاقیات طب کے ماتحت آجاتی ہے؛ عملاً ایسا (تمام مواقع پر) ہوتا ہے یا نہیں اس بارے میں اعداد و شمار دستیاب نہیں۔ اخلاقیات طب سے متعلق (منسلک) ایک اور وسیع شعبۂ علم اخلاقیات حیات (bioethics) ہوتا ہے جس میں تمام وہ پہلو شامل ہو جاتے ہیں کہ جو حیات سے متعلق ہوں اور ان پر اخلاقیات لازم آتی ہو؛ اس کے برعکس عموماً اخلاقیات طب اپنی حدود اطلاقی طب (یعنی طبیب و مریض) تک محدود رکھتا ہے؛ بعض اوقات یہ دونوں اصطلاحات ایک دوسرے کے متبادل بھی مستعمل نظر آتی ہیں۔

عمومی اخلاقیات طب[ترمیم]

اسلامی اخلاقیات طب[ترمیم]

مُطلِع رضامندی[ترمیم]

اخفائے راز[ترمیم]

حوالہ جات[ترمیم]

  1. ^ اس مضمون میں آیات کے تراجم اس قرآن روئے خط سے لیۓ گئے ہیں