اسماعیل تارا

اسماعیل تارا
معلومات شخصیت
پیدائش	16 نومبر 1949 (عمر 63) کراچی
وفات	25 نومبر 2022ء کراچی
قومیت	پاکستانی
عملی زندگی
پیشہ	اداکار، مزاحیہ اداکار
وجہ شہرت	ففٹی ففٹی
اعزازات
نگار اعزاز
	IMDB پر صفحات

اسماعیل تارا ایک پاکستانی مزاحیہ اداکار تھے۔ (پ 16نومبر 1949ء تا م 24 نومبر 2022ء) جنھوں نے کئی اسٹیج ڈراموں، ٹیلی وژن ڈراموں اور فلموں میں کام کیا۔ پاکستان ٹیلی وژن کے پروگرام ففٹی ففٹی سے ان کو شہرت ملی ۔نگار ایوارڈز برائے مزاحیہ اداکار کئی بار ملا،

ابتدائی حالات

اسماعیل تارا 16 نومبر 1949ء کو کراچی میں پیدا ہوئے

1980ء سے فن اداکاری سے وابستہ تھے ۔ اسماعیل تارا 25 نومبر2022 ء کو وفات پا گئے۔

فنّی سفر

اسماعیل تارا کی اداکاری کی دنیا میں وجہ شہرت پی ٹی وی کے مزاحیہ خاکوں پر مبنی سلسلہ ففٹی ففٹی ہے۔

جس میں انھوں نے اداکاری کے علاوہ بعض خاکے بھی لکھے۔ اس ڈرامے میں انھوں نے مزاحیہ اداکار ماجد جہانگیر کے ساتھ مل کر بہاری لہجے میں منوا اور ببوا کے لازوال کردار تخلیق کیے۔ یہی دو کردار ایکسپریس ٹی وی پر پھر شروع کیا گیا “عجب کہہ رہا ہے بھئی “ کے نام سے۔ ففٹی ففٹی میں ماجد جہانگیر اور زیبا شہناز کے ساتھ ان کی جوڑی بہت کامیاب رہی۔

اسماعیل تارا نے ٹی وی اور اسٹیج کے علاوہ 14 پاکستانی فلموں میں بھی کام کیا۔ فلم چیف صاحب اور فلم دیواریں میں کام پر بھی اسماعیل تارا کو نگار ایوارڈ دیا گیا۔ اے آر وائی ڈیجیٹل کے ڈراموں ’انگنا‘ اور ’وہ پاگل سی‘ میں اداکاری کے جوہر دکھائے تھے، ’لیاری کنگ لائیو‘ ٹاک شو بھی کیا۔

خاکے

ففٹی ففٹی - 1990 کی دہائي میں

فلم

• ہاتھی میرے ساتھی ـ 1993 نگار ایوارڈ
• آخری مجرا ـ 1994 نگار ایوارڈ
• منڈا بگڑا جائے - 1995 نگار ایوارڈ
• چیف صاحب ـ 1996 نگار ایوارڈ
• دیواریں نگار ایوارڈ
• ہم کسی سے کم نہیں ـ 1997
• جان جان پاکستان - 1997
• راجو - 1997
• دیواریں - 1998
• کبھی ہاں کبھی ناں - 1998
• مجھے جینے دو - 1999
• مجھے چاند چاہیے - 2000
• یہ دل آپ کا ہوا - 2002
• کھلے آسماں کے نیچے - 2008
• میں ہوں شاہد آفریدی -2013
• ریڈی اسٹیڈی نو (ان کا آخری کام )

ڈرامے

• ربر بینڈ - 2005
• یہ زندگی ہے - 2008
• ون وے وکٹ - 2012
• پاک ولا - 2012
• دہلی کالونی - 2012
• اورنگی ٹاؤن کی انوری - 2013
• اسمائل ٹائم

ٹاک شو

• لیاری کنگ لائیو (اے آر وائی)

اسٹیج ڈرامے

• سونے کی چڑیا

کارٹون

ڈونکی راجا میں بہ طور چاچا

اعزازات

• 14 اگست 2021ء کو صدارتی تمغہ حسن کارکردگی عطا کیا گیا ،
• نگار ایوارڈز : 1993ء میں ہاتھی میرے ساتھی کے لیے بہترین کامیڈین
• نگار ایوارڈز : آخری مجرا 1994ء کے لیے بہترین کامیڈین
• نگار ایوارڈز : 1995ء میں منڈا بگڑا جے کے لیے بہترین کامیڈین
• نگار ایوارڈز : 1996ء میں چیف صاحب کے لیے بہترین کامیڈین
• نگار ایوارڈز : 1998ء میں دیوائرین کے لیے بہترین کامیڈین
• پہلا انڈس ڈراما ایوارڈز : ایک اہم کردار میں بہترین اداکار سیٹ کام کے لیے نامزد اور ٹی وی
• کامیڈی سیریز ففٹی ففٹی (1980ء کی دہائی) کے لیے ایوارڈ ملا۔

وفات

اسماعیل تارا 24 نومبر 2022 کی رات کو کراچی کے ایک نجی ہسپتال میں انتقال کر گئے۔ اسماعیل تارا بہادر آباد کے نجی ہسپتال میں زیر علاج تھے اسماعیل تارا گردوں کے عارضے میں مبتلا تھے۔ وہ تین روز سے نجی اسپتال میں زیر علاج تھے۔

معروف اداکار کے سوگواروں میں بیوہ، 4 بیٹے اور ایک بیٹی شامل ہے۔