ایرک وون ڈانیکن

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
ایرک وون ڈانیکن
Erich von Däniken

ایرک وون ڈانیکن 2006
پیدائش ایرک اینٹون پال وون ڈانیکن
14 اپریل 1935 (1935-04-14) ‏(79)
زوفنگن, آرگاو, سویٹزرلینڈ
پیشہ مصنف

ایرک وون ڈانیکن ( جرمنی: ایرک انتون پاؤل فان ڈانیکن | پیدائش: 14 اپریل، 1935ء ) ایک سوئس مصنف ہیں ، جو سال 1965ء میں لکھی گئی بیسٹ سیلر کتاب چیریٹس آف دی گاڈز سے پہچانے جاتے ہیں۔ ایرک وون ڈانیکن کی کتب قدیم عہد میں غیر ارضی خلانورد کے اثرات پر مبنی نظریات پر مشتمل ہوتی ہیں، ان کی 26 کے قریب کتابیں 32 زبانوں میں ترجمہ ہوچکی ہیں اور مجموعی طور پر 6 کروڑ 30 لاکھ کاپیاں فروخت ہوچکی ہیں ۔


ابتدائی زندگی[ترمیم]

ایرک وون ڈانیکن، زوفنجین آراگاؤ ، سوئٹزرلینڈ کے ایک کٹر کیتھولک گھرانے میں پیدا ہوئے، ابتدائی تعلیم کیتھولک سینٹ مائیکل اسکول فرائی برگ سے حاصل کی۔ بچپن سے ہی ایرک وون ڈانیکن نے مذہبی تعلیمات کے بجائے خلاء اور اڑن طشتریوں کے متعلق دلچسپی تھی۔ 19 سال کی عمر میں، وون ڈانیکن چوری کے الزام میں چار ماہ کے لئے معطل رہے اور بعد میں اسکول سے نکال دئیے گئے ۔ پھر وہ ایک سوئس ہوٹل مالک کے شاگرد بن گئے. مصر میں جانے کے بعد، وہ دھوکہ دہی اور غبن کے الزام میں بھی سزا دی گئی. [1]

اس کے بعد وہ، ڈیووس، سوئٹزرلینڈ میں ہوٹل روزن ہوگل کے مینیجر بن گئے، اس دوران رات گئے وہ اپنی کتاب چیریٹس آف دی گاڈز (دیوتاؤں کی رتھیں) پر کام کرتے رہے، دسمبر 1964 میں، ایرک وون ڈینیکن نے جرمن کینیڈین مجلہ آودک ڈیر نورڈویسٹن کے لئے ایک مضمون ("کیا ہمارے آباواجداد خلا کی طرف سے آئے تھے؟")لکھا. چیریٹس آف دی گاڈز (دیوتاؤں کی رتھیں) اوائل 1967 ء میں ایک پبلیشر کی طرف سے قبول کر لیا، اور مارچ 1968 میں چھپا تھا. نومبر 1968 میں ایرک وون ڈینیکن کو 12 سال کے دوران بینک سے لیے ایک لاکھ تیس ہزار ڈالر قرضہ کی عدم ادائیگی پر دھوکہ دہی کے الزام میں گرفتار کیا گیا. یہ پیسے انہوں نے اپنی کتاب کی تحقیق کے لیے غیر ملکی اسفار میں خرچ کیے تھے، ان کا ارادہ بدنیتی پر مبنی نہیں تھا بلکہ کریڈٹ کارڈ ادارے غلطی پر تھے۔ انہیں ایک ڈیڑھ سال قید اور 3،000 فرانکس جرمانہ کی سزا سنائی گئی لیکن وہ جلد ہی رہا ہوگئے. ان کی پہلی کتاب، چیریٹس آف دی گاڈز (دیوتاؤں کی رتھیں)، ان کے مقدمے کی سماعت کے وقت شائع ہوئی، اور اس کی فروخت میں ملنے والی رقم نے ان کا قرض ادا کردیا، اور وون ڈٖانیکن نے جیل میں اپنی دوسری کتاب لکھنا شروع کی. رہا ہونے کے بعد انہوں نے ہوٹلنگ کا بزنس چھوڑ دیا اور مستقل طور پر ایک مصنف بن گئے۔[2] [3]


بحیثیت مصنف[ترمیم]

ایرک وون ڈانیکن کی کتب قدیم عہد میں غیر ارضی خلانورد کے اثرات پر مبنی نظریات پر مشتمل ہوتی ہیں، ان کی 26 کے قریب کتابیں 32 زبانوں میں ترجمہ ہوچکی ہیں اور مجموعی طور پر 6 کروڑ 30 لاکھ کاپیاں فروخت ہوچکی ہیں

کتب[ترمیم]

  • ۔چیریٹس آف دی گاڈز (دیوتاؤں کی رتھیں)۔ سن اشاعت: 1969ء ۔ سووینئر پریس لمیٹڈ
  • ۔ ریٹرن ٹو دی اسٹار (ستاروں کی جانب واپسی)۔سن اشاعت: 1970ء۔ سووینئر پریس لمیٹڈ
  • ۔ گاڈز فرام آؤٹر اسپیس (بیرونِ خلاء کے دیوتا)۔سن اشاعت: 1972ء۔ بینتھم (ریٹرن ٹو دی اسٹار کا ترمیمی ایڈیشن)
  • ۔ دی گولڈ آف دی گاڈز (دیوتاؤں کا سونا)۔سن اشاعت: 1973ء۔ سووینئر پریس لمیٹڈ
  • ۔ میراکلز آف دی گاڈز ۔ (دیوتاؤں کے کرشمے)۔سن اشاعت: 1975ء۔ سووینئر پریس لمیٹڈ
  • ۔ ان دی سرچ آف اینشنٹ گاڈز ۔ (قدیم دیوتاؤں کی تلاش میں)۔سن اشاعت: 1976ء۔ کورگی بکس
  • ۔ اکارڈنگ ٹو دی ایویڈینس ۔ (ٹبوت کے مطابق)۔سن اشاعت: 1977ء۔ سووینئر پریس لمیٹڈ
  • ۔ سائنز آف دی گاڈز ۔ (دیوتاؤں کی نشانیاں)۔سن اشاعت: 1980ء۔ کورگی بکس


حوالہ جات[ترمیم]

  1. ^ "ایرک وون ڈانیکن"، پلے بوائے میگزین (جلد21 شمارہ8)، اگست 1974ء. 
  2. ^ "ایرک وون ڈانیکن کی ابتداءنیویارک ٹائمز، 31 مارچ 1974ء، http://select.nytimes.com/gst/abstract.html?res=F20710FF3B5F107A93C3AA1788D85F408785F9. 
  3. ^ پیٹر کراسہ (1976ء)، اے بائیوگرافی آف ایرک وون ڈانیکن، ایلن اینڈ کمپنی، لمیٹڈ، ص: 74