ایو ساں لاریں

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
ایو ساں لوراں 1950ء کی دہائی میں

ایو ساں لوراں (فرانسیسی: Yves Saint Laurent) (یکم اگست 1936ء - یکم جون 2008ء) مشہور الجزائری نژاد فرانسیسی فیشن ڈیزائنر تھے۔ وہ 20 ویں صدی میں فرانس کے فیشن منظرنامے کی عظیم ترین ہستیوں میں شمار کیے جاتے ہیں۔

ساں لوراں یکم اگست 1936ء کو الجزائر کے شہر اوران میں پیدا ہوئے، جو اس وقت فرانس کے قبضے میں تھا۔ انہیں بچپن سے ہم جنسیت کےطعنے برادشت کرنے پڑے۔ [حوالہ درکار] ایو ساں لوراں نے اکیس سال کی عمر میں فیشن ہاؤس کرستیاں دیوغ (Christian Dior) سے اپنا تعلق جوڑا اور ایسے ملبوسات متعارف کرائے جن میں عورتوں کی آزادی کے تصور کو اجاگر کیا۔

ایو ساں لوراں نے ایک مرتبہ کہا تھا کہ انہوں نے ہمیشہ عورت کے جسم کے لیے ڈیزائن کیا جس سے وہ اپنا انداز بنانے میں کامیاب ہوئے۔ ساں لوراں کے بارے میں کہا جاتا ہے کہ بڑے بڑے فلمی ستارے ان کے گرد گھومتے نظر آتے تھے اور ان کے ڈیزائن نوجوان نسل میں انتہائی مقبول تھے۔ ایو ساں لوراں کی جدت پسندی نے عورت کی شخصیت کو اور بھی باوقار بنایا۔ [حوالہ درکار] ایو ساں لوراں اس بات پر قائل تھے کہ خوبصورت نظر آنا عورت اور مرد دونوں کا حق ہے۔ پچاس کی دہائی میں ایو ساں لوراں کے پہلے ڈیزائنوں نے معاشرے میں ہیجان کی کیفت پیدا کر دی۔ [حوالہ درکار]

ایو ساں لوراں ساری زندگی ذہنی اور جسمانی بیماریوں میں مبتلا رہے اور تقاریب میں بہت کم نظر آئے۔ یکم جون 2008ء کو دماغ کے سرطان کے باعث پاغی میں چل بسے۔ ان کی راکھ مراکش میں بہائی گئی۔