ایچ ڈی دیوے گوڑا

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

ایچ ڈی دیوے گوڑا، ہندوستانی سیاستدان۔ سابق وزیر اعظم۔ صدر، جنتا دل (ایس)۔مئی 1933میں کرناٹک کے ہاسن ضلع میں پیدا ہوئے۔ دیوگو‌ڑا بیس سال کی عمر میں ہی سیاست میں سرگرم ہو گئے تھے۔ 1953میں کانگریس پارٹی میں شامل ہوئے اور1962 تک اس کے رکن رہے۔ متوسط طبقے کے کسان خاندان سے تعلق رکھنے والے دیوگو‌ڑا نے غریب کسانوں کے مسئلوں کو لے کر لڑنے والے رہنماء کے طور پر نام کمایا۔ وہ 28 سال کی عمر میں انتخابی میدان میں اترے اور ایم ایل اے بنے۔ سن 76- 1972کے دوران اسمبلی میں حزب اختلاف کے رہنماء رہے۔ وہ کرناٹک میں شہری کاموں اور آب پاشی کے وزیر بھی بنے۔ انہوں نے پراجکٹوں کے لیے کم رقم مختص کرنے پر احتجاجاً استعفی دے دیا۔ پہلی بار 1991میں لوک سبھا کے لیے منتخب ہوئے۔ سن1994میں کرناٹک میں جنتا دل کی کامیابی میں اہم کردار نبھایا اور وزیراعلی بنے۔ تیس مئی1996 کو وزیراعلی کے عہدے سے مستعفی ہو گئے اور تیسرے مورچے کی قیادت میں بھارت کے وزیراعظم بنے۔ ان کا وزیر اعظم بننا کسی کرشمے سے کم نہیں تھا۔

دستخط[ترمیم]

DeveGowda autograph.jpg