بریو ہارٹ

بریو ہارٹ Braveheart
ہدایات	میل گبسن
تخلیق	میل گبسن ایلن لیڈ جونیئر. بروس ڈیوی اسٹیفن میک ایویٹی
تحریر	رینڈل والس
راوی	اینگس میک فیڈین
ستارے	میل گبسن صوفی مرسیو کیتھرائن میک کورمیک پیٹرک میک گوہان اینگس میک فیڈین برینڈن میک گلیسن
موسیقی	جیمز ہورنر
عکسبندی	جون ٹول
ادارت	اسٹیون روزینبلم
تقسیم کاری	-امریکہ و کینیڈا - پیراماؤنٹ پکچرز آئیکون انٹرٹینمنٹ - امریکہ سے باہر - 20th Century Fox
نمائش	24 مئی , 1995
وقت دورانیہ	182 منٹ
ملک	امریکہ
زبان	انگریزی
میزانیہ	$53,000,000
جملہ آمدن	$202,600,000
All Movie Guide profile
IMDb profile

بریو ہارٹ (انگریزی: Braveheart) ایک تاریخی رزمیہ فلم ہے جسے 1995آ میں نمائش کے لیے پیش کیا گیا تھا۔ میل گبسن نے اس فلم کے پیشکار اور ہدایتکار کے ساتھ ساتھ مرکزی کردار کے فرائض بھی انجام دیے۔ فلم کو پردۂ سیمیں کے لیے ہی تحریر کیا گیا تھا جسے بعد ازاں رینڈل والس نے ناول کی شکل دی۔ گبسن نے اسکاٹ لینڈ کے تاریخی جنگجو کردار ولیم والس کا کردار نبھایا ہے جو اسکاٹ لینڈ کی پہلی جنگ آزادی کے ذریعے منظر عام پر آئے۔ فلم میں انگلستان کے ایڈورڈ اول کا کردار پیٹرک میک گوہان، ایڈورڈ کی بہو شہزادی آئزابیلا کا کردار صوفی مرسیو اور اسکاٹ لینڈ کو آزادی دلانے والے رابرٹ دی بروس کا کردار ایگنس میک فیڈین نے ادا کیا ہے۔ فلم نے 68 ویں اکیڈمی ایوارڈز کی تقریب میں 5 اعزازات حاصل کیے جن میں بہترین فلم اور بہترین ہدایت کے اعزازات بھی شامل ہیں جبکہ فلم مزید پانچ اعزازات کے لیے بھی نامزد ہوئی تھی۔ اس فلم کی کامیابی نے تاریخی رزمیہ قسم کی فلموں کو نئی زندگی بخشی اور اس کے بعد گلیڈی ایٹر، دی پیٹریاٹ، الیگزینڈر، ٹرائے، کنگڈم آف ہیون اور 300 جیسی شہرۂ آفاق تاریخی رزمیہ فلمیں بنیں۔