تلمسان

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

تلمسان شمال مغربی الجزائر کا شہر اور صوبہ تلمسان کا دارالحکومت ہے۔ اس کی آبادی اندازاً ایک لاکھ 30 ہزار ہے۔ یہ ایسے خطے میں واقع ہے جو زیتون اور انگوروں کی کاشت کے حوالے سے سے جانا جاتا ہے۔ شہر میں چمڑے، قالین اور کپڑا تیار کرنے کی صنعتیں موجود ہیں جن کی مصنوعات برآمد کی جاتی ہیں۔

اپنی شاندار تاریخ کے باعث اس شہر میں عرب، بربر اور فرانیسیسی ثقافتوں کا ملاپ نظر آتا ہے اور یہ ملاپ یہاں کے کپڑوں اور گھریلو مصنوعات میں صاف جھلکتا ہے۔ یہاں کا نسبتاً سرد موسم اسے الجزائر میں سیاحت کا مرکز بنا دیتا ہے۔

اس شہر کو میں رومیوں نے تعمیر کیا تھا جس کا نام پوماریا رکھا گیا۔ 708ء میں اسے عربوں نے فتح کرکے مسلم حکومت میں شامل کر لیا۔ آٹھویں اور نویں صدی میں یہ خارجیوں کا مرکز رہا۔ 11 ویں صدی میں موحدین کے زیر انتظام اس شہر سے شاندار ترقی کی۔

یہ شہر بنو عبدالوداد (زیانی خاندان) کا دارالحکومت تھا جو 1282ء میں قائم ہوئی اور 15 ویں صدی میں اپنے عروج پر پہنچی۔ 16 ویں صدی میں یہ شہر ہسپانویوں کے حملوں کی زد میں آیا۔ تاہم ہسپانویں اور عثمانی ترکوں کے درمیان جنگوں میں سلطنت عثمانیہ کو فتح نصیب ہوئی اور 1553ء میں تلمسان سلطنت عثمانیہ کے زیر نگیں آگیا۔

1671ء میں یہ عثمانی سلطنت کے اثر سے باہر ہوگیا تاہم دارالحکومت کی حیثیت سے تلمسان کی حیثیت بھی ختم ہوگئی کیونکہ دارالحکومت الجزیرہ منتقل ہو گیا تھا۔

1834ء میں فرانس نے الجزائر پر قبضہ کرکے اسے اپنی نو آبادی بنا لیا۔ الجزائر کی آزادی کے عظیم رہنما عبدالقادر الجزائری نے ملک کی آزادی کے لیے جنگ لڑی لیکن 1844ء میں ان کی شکست سے آزادی کا خواب بکھر گیا۔

بیرونی روابط[ترمیم]

باضابطہ ویب سائٹ