جان رونالڈ روئل ٹولکین

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
ٹولکیں کے اس مائما کو انکی بہو، فیتھ لوسی لیلی ٹولکین، نے 1977ء میں انکی یاد میں تراشا۔

جان رونالڈ روئل ٹولکین (انگریزی: John Ronald Reuel Tolkien) ایک انگریزی مصنف، شاعر، لسانیات کے ماہر اور پروفیسر تھے جنہوں نے دیگر اساطیری قصص پر کام کیا اور اِن کی مشہور ترین کتب میں دی ہابٹ، دی لارڈ آف دی رنگز اور دی سلماریلین شامل ہیں۔ جب ٹولکین جامعہ آکسفورڈ میں پڑھ رہے تھے، تب اِنکی ساتھی مصنف سی ایس لوئس سے بہت گہری دوستی اور رفاقت رہی۔

ٹولکین کی وفات کے بعد اِن کے صاحبزادے کرسٹوفر ٹولکین نے اِنکے انگنت خطوط اور غیر مطبوعہ کتب کو شائع کروایا۔ اِنکی وفات کے بعد شائع ہونے والی کتب میں دی سلماریلین بھی شامل ہے؛ دی ہابٹ اور دی لارڈ آف دی رنگز کی کامیاب اشاعت کے بعد اِسی سلسلے کی یہ آخری کتاب تھی اور اِسے خُوب پزیرائی حاصل ہوئی۔ اِس اساطیری سلسلے میں ٹولکین نے کئی خیالی زبانیں ایجاد کیں اور شاعری کو بھی استعمال کیا۔ اُنہوں نے اپنی اِن کتب میں ایک مکمل کائناتی تصور کو تحریر میں ڈھالا اور ہماری اِس زمین کی ایک فرضی تاریخ کا منظر بھی پیش کیا۔ اپنی تحریروں میں اُنہوں نے زمین کا نام عردہ رکھا اور اپنے دیگر کرداروں کو ایک براعظم پر رہائش پذیر بتایا۔ اِس براعظم کا نام اُنہوں نے مڈل ارتھ (یعنی وسطی زمین) رکھا۔