جزائر عالم

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
جزائر عالم کا تصوراتی خاکہ

جزائر عالم (انگریزی: The World Islands) متحدہ عرب امارات کے شہر دبئی کے ساحلوں پر خلیج فارس میں زیر تعمیر مصنوعی مجموعہ جزائر ہیں جنہیں دنیا کے براعظموں کی شکل میں تعمیر کیا جارہا ہے۔ یہ منصوبہ دبئی ہی میں زیر تعمیر مصنوعی جزائر نخیل سے متاثر ہوکر شروع کیا گیا۔ جزائر عالم 250 سے 300 چھوٹے نجی مصنوعی جزیروں پر مشتمل ایک مجموعہ جزائر ہے جنہیں 4 زمرہ جات میں تقسیم کیا گیا ہے۔ یہ منصوبہ 2008ء میں مکمل ہوگا۔

جزائر دنیا کا نشان امتیاز

ہر جزیرے کا رقبہ 23،226 مربع میٹر سے 83،613 مربع میٹر (250،000 سے 900،000 مربع فٹ یا 5.74 سے 20.66 ایکڑ) تک ہے جبکہ ہر جزیرے کے درمیان 50 سے 100 میٹر پانی ہوگا۔ جزائر 9 کلومیٹر طویل اور 6 کلومیٹر عریض علاقے پر محیط ہوں گے جن کے گرد بیضوی شکل کا ایک دائرہ قائم ہوگا۔ ان جزائر کے درمیان سفر کے واحد ذرائع کشتی یا ہیلی کاپٹر ہوں گے۔ ان جزائر کی قیمت 6.85 ملین ڈالرز سے شروع ہوتی ہیں جبکہ اوسط قیمت 25 ملین ڈالرز بنتی ہے۔

جزائر عالم کے منصوبے پر کل 1.8 ارب ڈالرز کی لاگت آئے گی۔ جزائر نخیل پراپرٹیز (نخیل کارپوریشن) کی ملکیت ہیں اور یہی ادارہ انہیں تعمیر کررہا ہے۔

مجموعہ جزائر دبئی کے ساحل سے 4.1 کلومیٹر دور نخیل جمیرہ کے قریب اور برج العرب اور پورٹ رشید کے درمیان واقع ہے۔

متعلقہ مضامین[ترمیم]

جزائر نخیل

دبئی

برج العرب

بیرونی روابط[ترمیم]

باضابطہ ویب سائٹ

جزائر عالم

جزائر عالم کا خلائی منظر ویکی میپیا پر

جزائر عالم کا دلکش منظر