حسب حال (ٹی وی پروگرام)

نام	حسب حال
آغاز	2009
ملکیت	دنیا نیوز
ملک	پاکستان
ویب سائٹ	حسبِ حال

حسب حال دنیا نیوز پر نشر ہونے والا سیاسی مزاحیہ پروگرام ہے۔ اس کا آغاز 2009 میں ہوا۔ اس کے میزبان جنید سلیم ہیں جبکہ ناجیہ بیگ اور سہیل احمد مہمان کی حیثیت سے کردار ادا کرتے ہیں۔2014ء سے نواز انجم بھی پروگرام میں شامل ہو چکے ہیں اور تقریبا ہر قسط میں جلوہ گر ہوتے ہیں۔

تصور

حسب حال کا بنیادی تصور آفتاب اقبال نے دیا جو کو عزیزی کے نام سے اپنے مزاحیہ کالم میں کردار وضع کیا کرتے تھے۔ اس کے پہلے میزبان بھی آفتاب اقبال ہی تھے۔ آفتاب اقبال کے پروگرام کو خیر آباد کہنے کے بعد جنید سلیم کو اس کا میزبان بنا دیا گیا۔

مقاصد

پروگرام میں عام طور پر معاشی اور معاشرتی مسائل کو مزاحیہ انداز میں زیر بحث لایا جاتا ہے۔ سہیل احمد بطور عزیزی کردار ادا کرتے ہیں۔ سیاسی معاملات کو طنزیہ انداز میں پیش کر کے ناظرین کو محظوظ کیا جاتا ہے۔

پروگرام کے حصے

پروگرام کے درج ذیل حصے ہیں:

• ادب پارے
• بیت بازی
• حسب ماضی
• حسب ڈاک
• انٹرویو
• خبروں پر تبصرہ
• مخبریاں
• آف بیٹ حسب حال
• سیاسی فلم
• تو تو-میں میں

پیروڈی

عزیزی مختلف سیاسی و سماجی شخصیات کا روپ دھار کر ان کی پیروڈی کرتے ہیں۔ کچھ پیروڈیز درج ذیل ہیں:

عزیزی مختلف روپوں میں

فیکا	فیکا ایک غریب خاندان کا فرد ہے جن کو اپنی ضروریاتِ زندگی کے لیے مشکلات درکار ہوتی ہیں۔ فیکے کی صورت میں سہیل احمد معاشرے کے نچلے طبقے کی عکاسی کرتے ہیں۔
پی-کیو-ان	مکمل نام پرویز قیصر نصیر ہے جو ایک بدعنوان سیاست دان ہے۔ عام طور پر انتخابات اور جلسوں کے موضوع زیرِبحث آتے ہیں۔
دیما	دیما دراصل ایک بیمار شخص ہے جو کو اس وقت بلایا جاتا ہے جب کسی خاص موقعے پر کوئی خاص بیماری جنم لیتی ہے۔
زی-وی-ایس	زی-وی-ایس ایک فیشن ڈیزائنر ہے جو کے جدت کو پسند کرتا ہے۔ وہ پرانے خیال کے لوگوں کو ناپسند کرتا ہے۔
عامل بابا	عامل بابا دراصل ایک جعلی عامل ہیں جس کے ذریعے عزیزی جعلی عاملوں کا پردہ فاش کرتے ہیں۔
ماسٹر مجید	ماسٹر مجید ایک اسکول کے استاد ہیں اور انھیں امتحانات اور نتائج کے اعلانات کے وقت بلایا جاتا ہے۔
مسٹر مائیکل	مسٹر مائیکل ایک انگریز ہیں جو پاکستان کو دی جانے والے امریکی امداد کے بل بوتے پر رعب جماتے ہیں۔
سریلے خان	سریلے خان اپنے معاون کے ہمراہ تشریف لاتے ہیں۔ وہ اپنے راگ کے ذریعے ناظرین کو محظوظ کرتے ہیں۔
ایس-ایچ-او	ایش-ایچ-او صاحب پولیس کی طرف سے نمائندگی کرتے ہیں۔ پولیس کے برایئاں اور مسائل زیرِ بحث آتے ہیں۔

اس کے علاوہ بہت سے سیاست دانوں کی بھی پیروڈی کی جاتی ہے۔

اثرات

حسبِ حال کی شہرت سے کئی چینلوں نے اس قسم کے شوز کا آغاز کیا جن میں مزاق رات، ہوشیاریاں،دیس بک، گپ شب، پبلک ڈیمانڈ سرِ فہرست ہیں، حسب حال کی طرز کے مزاحیہ اور طنزیہ پروگراموں کا بانی آفتاب اقبال کو کہا جاتا ہے جو اس وقت بھی معروف پروگرام "خبرہار" کے میزبان ہیں جو اس وقت پاکستان سمیت دنیا بھر میں پاکستان کا اس طرز کا سب سے زیادہ دیکھا جانے والا شو ہے

بیرونی روابط

• حسب حال کی سرکاری ویب گاہ
• حسب حال کا فیس بک صفحہ