رائٹ برادران

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

دو امریکی بھائی جنہوں نے ہوائی جہاز پر تجربے کیے ۔ بڑے کا نام ولبر رائٹ اور چھوٹے کا اورول رائٹ تھا۔ بڑا 1867ء اور چھوٹا 1871ء میں پیدا ہوا۔ دونوں عمر بھر کنوارے رہے۔ پہلے ڈیٹن میں سائکلوں کا کاروبار کرتے تھے بعد میں ایک جرمن انجینئر کے ہوائی تجربوں میں دلچسپی پیدا ہو گئ ۔ انہوں نے ہوا کے دباؤ وغیرہ کے متعلق معلومات حاصل کیں اور بالآخر ایک ہوائی جہاز بنا لیا جس کی طاقت چار سلنڈر ، بارہ ہارس پاور کے انجن سے حاصل کی گئی تھی ۔ ہو ا باز سمیت مشین کا وزن ساڑھے سات سو پاونڈ تھا۔ انہوں نے کئی ہاک کے مقام پر 17 دسمبر 1903ء کو چار پروازیں کیں۔ ان میں سے سب سے اونچی پرواز 852 فٹ تھی ۔ بعد ازاں دونوں بھائی یورپ چلے گئے ۔ اور مختلف ممالک میں ہوا بازی کے کمالات دکھائے امریکا واپس آئے تو حکومت نے ان سے تیس ہزار ڈالر میں ایک ہوائی جہاز خریدا ۔ فوج میں باقاعدہ ہوا بازی کا سکول کھولا گیا جس میں اورول استاد مقرر ہوا۔ ولبر 1912ء میں اور اورول 1948ء میں فوت ہوا۔