رصدگاہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

رصدگاہ (Observatory) ایک عمارت جہاں سے فلکی اجرام و مظاہر کا مشاہدہ کیا جاتا ہے۔ رصد گاہیں بلندوبالا پہاڑوں پر ، گنبد نما عمارتوں میں قائم کی جاتی ہیں تاکہ فضائی آلودگیاں ان کی راہ میں مزاحم نہ ہوں ۔ اس کے اندر گھومنے والے منبر پر طاقتور دوربینیں نصب ہوتی ہیں جنہیں لاکھوں میل دور کسی بھی جرم فلکی پر مرکوز کیا جاسکتا ہے۔ ریڈیائی رصدگاہیں شہروں سے دور عموماً گہری وادیوں میں بنائی جاتی ہیں تاکہ مقامی ریڈیائی موجیں خلاء سے موصول ہونے والے اشارات میں خلل نہ ڈالیں۔

اشتقاقیات[ترمیم]

رصد دراصل عربی زبان کا لفظ ہے اور اِس سے مراد نگرانی کرنے، نظر رکھنے اور مشاہدہ کرنے کی ہوتی ہے۔ لہٰذا اِسے ’’فلکیاتی مشاہدہ گاہ‘‘ یا ’’فلکیاتی رصدگاہ‘‘ (Astronomical Observatory) بھی کہاجاسکتا ہے، نیز رصدگاہ کا (لغوی) مطلب کوئی بھی ایسی جگہ کی ہوسکتی ہے جہاں کسی چیز کی نگرانی یا مشاہدہ کیا جاتا ہو۔