سائیں ظہور

آزاد دائرۃ المعارف، ویکیپیڈیا سے
سائیں ظہور
ذاتی معلومات
پیدائشاوکاڑہ، پاکستانپیدائش 1936
تعلقاوکاڑہ، پاکستان
اصناففوک موسیقی
پیشےموسیقار، گلوکار
آلاتاکتارا، تمبی
ریکارڈ لیبلپاکستان - کوک سٹوڈیو، پاکستان

سائیں ظہور (پنجابی: ਸੈਨ ਜ਼ਹੂਰ‎) (پیدائش: 1936) اوکاڑہ، پاکستان کے تعلق رکھنے والے ایک صوفی گلوکار ہیں۔ انھوں نے اپنی زندگی کا زیادہ وقت درباروں اور درگاہوں پر گزارا ہے۔ 2006ء سے پہلے ان کا کوئی کلام ریکارڈ نہیں ہوا تھا جبکہ وہ عوامی گلوکار ہونے کے وجہ سے بی بی سی ورلڈ میوزک ایوارڈ کے لیے نامزد بھی ہوئے تھے۔[1][2] سائیں ان کا نام نہیں ہے بلکہ یہ سندھی قوم کا ایک لقب ہے۔

زندگی[ترمیم]

سائیں ظہور ساہیوال ڈویژن کے ایک ضلع اوکاڑہ، پاکستان میں پیدا ہوئے۔ وہ اپنے گھر میں سب سے چھوٹے تھے اور انھوں نے پانچ سال کی عمر سے ہی گانا شروع کر دیا تھا۔ دس سال کی عمر میں انھوں نے گھر کو خیر آباد کہہ کر درباروں اور خانقاہوں کو اپنا مسکن بنا لیا۔

سائیں ظہور احمد نے 10سال کی عمر میں پہلی مرتبہ اپنے فن کا مظاہرہ کیا جب وہ ایک مشہور فیملی ”مانیکا“ کی شادی میں گئے۔ سائیں ظہور کا شمار پاکستان کے اُن لیجنڈ گلوکاروں میں کیا جاتا ہے جنھوں نے صوفی میوزک کو لوگوں تک پہنچانے میں اہم کردار ادا کیا۔

سائیں ظہور مزارات پر اپنے فن کا مظاہرہ کرتے ہیں اور لوگ بڑے احترام سے ان کو سننے کے لیے آتے ہیں۔ اس کے علاوہ سائیں ظہور کوک سٹوڈیو میں بھی اپنے فن کا مظاہرہ کر چکے ہیں۔

ان کے مشہور صوفی کلام میں” تومبہ، اللہ ہو، نچنا پیندا ہے، تیرے عشق نچایا، اک الف اور ربا ہو“ وغیرہ شامل ہیں۔

2006ء میں ان کا پہلا مجموعہ کلام آوازیں کے نام سے متھیلا ریکارڈز کے ذریعے منظر عام پر آیا۔ 2007ء میں انھوں نے ایک پاکستانی فلم خدا کے لیے کے لیے ایک گانا بھی گایا۔ 2011ء میں انھوں نے ایک برطانوی فلم ویسٹ از ویسٹ کے لیے گانا گایا اس کے علاوہ انھوں نے اس فلم میں اداکاری بھی کی۔[3]

مشہور گانے[ترمیم]

  • تمبا (کوک سٹوڈیو سیزن 2)
  • اللہ ہو
  • نچنا پیندا اے
  • تیرے عشق نچایا
  • اک الف تیرے درکار (کوک سٹوڈیو سیزن 2)
  • اللہ ہو (کوک سٹوڈیو سیزن 6)
  • ربا ہو (کوک سٹوڈیو سیزن 6)

فلمیں[ترمیم]

ان کی موسیقی اس فلم کے لیے استعمال کی گئی۔

حوالہ جات[ترمیم]

  1. روبن ڈینیلوو (2 دسمبر 2005)۔ "صوفی چوائس"۔ دی گارڈین۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 08 مئی 2007 
  2. آیون کرسلر۔ "فاتح بی بی سی میوزک ایوارڈز 2006ء سائیں ظہور، پاکستان"۔ بی بی سی۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 08 مئی 2007 
  3. "sain zahoor brings the soul of sufi to west"۔ 01 اگست 2013 میں اصل سے آرکائیو شدہ۔ اخذ شدہ بتاریخ 17 جون 2014 

بیرونی روابط[ترمیم]

سائیں ظہور دہائیوں سے درباروں پر گا رہے ہیں۔آرکائیو شدہ (Date missing) بذریعہ saeen.net (Error: unknown archive URL)