سقوط کردہ فرشتے

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
سلویسٹر البانو کا تخلیق کردہ سقوط کردہ فرشتے کا خیالی مجسمہ،(1893ء)بروک لین میوزیم نیویارک شہر میں

سقوط کردہ فرشتے یا سقوط کردہ فرشتہ ایک عیسائی اصطلاح ہے اس مراد ایسے باغی، سرکش اور بد جنس فرشتے ہیں جن کو جنت سے دھتکاردیاگیاہو۔ "سقوط کردہ فرشتے" کی اصطلاح کا ذکر نہ تو یہودی بائبل میں ہے نہ ہی اسفار قانونی دوم میں اور نہ ہی عہد نامہ جدید میں پایاجاتاہے۔ بہرحال بائبل کے مفسرین اس اصطلاح کو ایسے فرشتوں کیلئے استعمال کرتے ہیں جنہوں نے خدا کی نافرمانی کا گناہ کیا اور دھتکارے گئے۔ یہ فرشتے کسی نہ کسی طرح الجنۃ میں معرکہ خیر و شر کا حصہ تھے جبکہ اس جنگ کے کردار و محرکات آدم، ارواح خبیثہ، ابلیس اور ناظران پر مشتمل تھے۔تاہم یہ اصطلاح فرشتوں کے متعلق ادب اور داستان میں استعمال ہوتی ہے۔
جبل الشيخ پر جن فرشتوں کے اترنے کا (نہ کہ سقوط کا) ذکر ہے کتاب ادریس میں ہوا ہے اس اصطلاح کو کلیسا توحیدی آرتھوڈوکس اریٹیریا اور کلیسا توحید آرتھوڈوکس ایتھوپیا نے ایک مستند اصطلاح کے طور پر قبول کیاہےجیسا کہ کتب غیر انساب میں ہوتاہے۔

سقوط کردہ فرشتوں کے متعلق بنیادی ماخذ[ترمیم]

عہدنامہ جدید کی تدوین سے فوری قبل ، یہودیوں کے بہت سے فرقوں نے "خدا کے بیٹوں " اور سقوط کردہ فرشتوں کےتعلق سے بیان کیاہے جیساکہ کتاب پیدائش کے باب ششم کی آیت 1تا4:

  1. جب روئے زمین پر آدمی بہت بڑھنے لگے اور اُنکے بیٹیاں پَیدا ہوئیں۔
  2. تو خُدا کے بیٹوں نے آدمی کی بیٹیوں کو دیکھا کہ وہ خوبصورت ہیں اور جِنکو اُنہوں نے چُنا اُن سے بیاہ کر لیِا ۔
  3. خُداوند نے کہا کہ میری رُوح اِنسان کے ساتھ ہمیشہ مزاحمت نہ کرتی رہے گی کیونکہ وہ بھی تو بشر ہے تَوبھی اُسکی عمُر ایک سَو بیس برس کی ہوگی ۔
  4. اُن دِنوں میں زمین پر جبّار تھے اور بعد میں جب خُدا کے بیٹے اِنسان کی بیٹیوں کے پاس گئے تو اُنکے لِئےاُن سے اَولاد ہوئی ۔ یہی قدیم زمانہ کے سُورما ہیں جو بڑے نامور ہوئےہیں ۔

تاہم اس بارے میں اہل یہود کے دانشوروں کی رائے میں اختلاف ہے اور بہت زیادہ قوی امکان یہ ہے کہ خدا کے بیٹوں سے مراد سقوط کردہ فرشتے ہی ہیں اور ان کے زمین پر سقوط یا اترنے کے بعد ان فرشتوں نے غیر فطری طور پر انسان عورت سے شادیاں کیں اور جنسی تعلقات قائم کئے جس کے نتیجے میں جبار اور دیوقامت مخلوقات پیداہوئیں ۔

سقوط شیطان[ترمیم]

عبرانی بائبل بھی یہی بتاتی ہے کہ شیطان فرشتہ نہیں تھا تاہم ابلیس اسکا نام اور وہ نسل جن سے تھا۔ عبرانی بائبل نے شیطان کے سقوط کے بارے میں تفصیلی وضاحت بیان نہیں کی جبکہ شیطان کو انسان کا دشمن اورخدا تعالیٰ سے کم اختیارات کا حامل قراردیاہے۔ مجموعی طور پر عبرانی بائبل شیطان کو ایک مدعی، آزار دہندہ اور اغواءکنندہ کے طور پر بیان کرتی ہے۔ اس کا لقب cherub تھا جو کہ فرشتوں کا ایک درجہ ہے۔ اسکی تصویر کشی بطور برائی کا منبع، شریر کی گئی ہے۔ بعد ازاں اسے مسیحا کے فرشتوں کے ذریعے شکست سے دوچار ہونے والا کہاگیاہے۔

عیسائی روایات[ترمیم]

عیسائی روایات میں بھی شیطان کو فرشتوں کے مقام تک پہنچنے والی مخلوق کہاگیاہے جبکہ وہ جنس کے اعتبار سے فرشتہ نہیں تھا مگر سقوط کردہ فرشتوں کا سردار تھا۔ عہدنامہ جدید کی 33آیات میں شیطان کا ذکر 36 بار ہواہے۔ کتاب مکاشفہ میں مذکور ہے :
9۔اور وہ بڑا اژدہا یعنی وُہی پُرانا سانپ جو اِبلِیس اور شَیطان کہلاتا ہے اور سارے جہان کو گُمراہ کر دیتا ہے زمِین پر گِرا دِیا گیا اور اُس کے فرِشتے بھی اُس کے ساتھ گِرا دِئے گئے۔
جبکہ کتاب لوقا کے باب 10 آیت 18 میں مذکور ہے:
اُس نے اُن سے کہا مَیں شَیطان کو بِجلی کی طرح آسمان سے گِرا ہُؤا دیکھ رہا تھا۔

مذہبی نقطہء نظر[ترمیم]

یہودی نقطہء نظر[ترمیم]

سقوط کردہ فرشتوں کا ذکر یہودی ماخذ ات کہ جو ہیکل کی دوبارہ تعمیر کے زمانے میں موجود تھےمیں پایاجاتاہے۔اور بالخصوص یہ اصطلاح شیطان اور عزازیل کے لئے مستعمل تھی۔ تاہم قرون وسطیٰ سے بہت سے یہودی دانشور بشمول عقلیت پسند اور روائت پسند وں نے باغی یا سقوط کردہ فرشتوں کے عقیدے کو مسترد کردیا۔ انہوں نے برائی کو خیر کے نہ ہونے یا نامکمل ہونے میں متصور کردیا۔

عیسائی نقطہء نظر[ترمیم]

عیسائیوں نے سقوط کردہ فرشتوں کا تصور کتاب مکاشفہ کے باب 12 اور کتاب لوقا کے باب 10 آیت 18 سے لیاہے۔

اسلامی نقطہء نظر[ترمیم]

قرآن پاک میں فرشتوں کا ذکر 90 بار جمع کے صیغے کے طور پر اور اللہ کے فرمانبرداروں کے طور پر آیاہے۔اسلام کے مطابق شیطان جنوں میں سے تھا کیونکہ فرشتے نافرمانی کا مادہ نہیں رکھتے۔ قرآن پاک میں شیطان کے سقوط سے قبل دیگر فرشتوں کے ہمراہ ان سورتوں 2:34, 7:11, 15:29, 17:61, 18:50, 20:116, 38:71میں ذکر آیاہے۔ شیطان کو ابلیس کا خطاب حاصل تھا جو اپنی باغیانہ روش اور سرکشی کے باعث اللہ کے دربار سے راندہ ہوا ۔ تب شیطان نے زمین پر انسانوں کو لبھاوا دیکر جہنم میں داخل کرنے کا عزم کیا کیونکہ اللہ نے اسکو قیامت کے دن تک مہلت دے دی تھی۔ اسلام میں یہ عقیدہ پایاجاتا ہے کہ انسانوں کی طرح جنوں کو اختیار حاصل ہے کہ وہ اچھائی اور برائی میں تمیز کرکے کسی ایک کو منتخب کرکے اللہ کی فرمانبرداری یا نافرمانی کا اظہار کریں۔ اس سے ظاہر ہوتاہے کہ جنات بھی اعمال میں اختیار رکھتے ہیں۔
ہاروت اور ماروت دو فرشتے تھے جو کہ بابل کی بستی میں بھیجے گئے تھے تاکہ لوگوں کی آزمائش کریں ۔ قرآن میں یہ واضح ہے کہ فرشتوں کی سرشت میں خود مختاری نہیں مگر ماسوائے یہ کہ اللہ کی فرمانبرداری کریں۔

حوالہ جات[ترمیم]

  • Anderson, ed. by Gary (2000). Literature on Adam and Eve. Leiden: Brill. ISBN 9004116001. 
  • Bamberger, Bernard J. (2006). Fallen angels : soldiers of satan's realm (first paperback ed.). Philadelphia, Pa.: Jewish Publ. Soc. of America. ISBN 0827607970. 
  • Charlesworth, edited by James H. (2010). The Old Testament pseudepigrapha. Peabody, Mass.: Hendrickson. ISBN 1598564919. 
  • Davidson, Gustav (1994). A dictionary of angels: including the fallen angels (1st Free Press pbk. ed.). New York: Free Press. p. 111. ISBN 978-0-02-907052-9. 
  • DDD, Karel van der Toorn, Bob Becking, Pieter W. van der Horst, (1998). Dictionary of deities and demons in the Bible (DDD) (2., extensively rev. ed.). Leiden: Brill. ISBN 9004111190. 
  • Douglas, James D. with Merrill Chapin Tenney, Moisés Silva (editors) (2011). Zondervan Illustrated Bible Dictionary. Grand Rapids, Mich.: Zondervan. ISBN 9780310229834. http://books.google.com/books?id=5gg4BifSJH8C. 
  • Orlov, Andrei A. (2011). Dark mirrors: Azazel and Satanael in early Jewish demonology. Albany: State University of New York Press. ISBN 1438439512. 
  • Platt, Rutherford H. (2004). Forgotten Books of Eden (Reprint ed.). Forgotten Books. p. 239. ISBN 1605060976. 
  • Reed, Annette Yoshiko (2005). Fallen angels and the history of Judaism and Christianity : the reception of Enochic literature (1. publ. ed.). Cambridge [u.a.]: Cambridge University Press. p. 1. ISBN 978-0-521-85378-1. 
  • Schwartz, Howard (2004). Tree of souls: The mythology of Judaism. New York: Oxford U Pr. ISBN 0195086791. 
  • Wright, Archie T. (2004). The origin of evil spirits the reception of Genesis 6.1-4 in early Jewish literature. Tübingen: Mohr Siebeck. ISBN 3161486560.