سوزش کو طب و حکمت میں التِہاب کہا جاتا ہے اور انگریزی میں اسکو inflammation کہتے ہیں۔ طب میں سوزش سے مراد ایک جاندار کے جسم کا ایک ایسے ردعمل کی ہوتی ہے جو وہ کسی بھی قسم کی چوٹ یا صدمے کے بعد (یا کہ لیں کہ اسکے خلاف) ظاہر کرتا ہے، اس ردعمل میں درد ، سوجن ، سرخی اور حرارت کی علامات نمایاں ہوتی ہیں۔
طبی الفاظ میں التہاب کی تعریف یوں کی جاتی ہے کہ یہ ایک چوٹ یا صدمے یا کسی نسیج پر ضرر کے ردعمل میں پیدا ہونے اولا ایک ایسا محلی (localized) ردعمل ہوتا ہے کہ جو ضرری سازندہ (injurious) کو یا تو ختم کردیتا (یا کرنے کی کوشش کرتا ہے) ، یا اسکو رقیق (dilute) کردیتا ہے (تاکہ اسکی طاقت کم ہوجاۓ) اور یا پھر دیواربند (wall off) کردیتا ہے تاکہ اسکی تباہ کاری محدود کی جاسکے۔ اپنے حادی (acute) وقت پر اس میں پانچ بنیادی علامات نمایاں ملتی ہیں۔
