سونیا گاندھی

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
سونیا گاندھی

ہندوستانی سیاستدان۔ کانگرس پارٹی کی صدر۔ سابق وزیراعظم راجیو گاندھی کی بیوہ۔ نو دسمبر 1946 کو اٹلی کے شہر لوسیانا میں پیدا ہوئیں۔ وہ جب کیمبرج یونیورسٹی میں انگریزی زبان کا سرٹیفیکیٹ کورس کر رہی تھیں تو ان کی ملاقات راجیو گاندھی سے ہوئی۔ ان کی شادی فروری 1968میں ہوئی۔ سن 1991 میں اپنے شوہر کے قتل کے بعد کئی سال تک سونیا نے سیاست سے دوری رکھی۔ سن1999 میں وہ متحرک سیاست میں اتریں اور سیتارام کیسری کی جگہ کانگریس کی صدر بنیں۔ وہ 1999 سے لوک سبھا کی رکن ہیں۔ سونیا پر کانگریس کے اندر اور باہر غیر ملکی ہونے کا طعنہ دیا گیا۔ یہاں تک کہ شرد پوار، پی اے سانگما اور طارق انور نے کانگریس چھوڑ کر راشٹروادی کانگریس پارٹی بنا لی۔ سن 2004 میں یہ مسئلہ پھر سے اٹھا تو سونیا گاندھی نے واضح کیا کہ وہ وزیر اعظم کی دعویدار نہیں ہیں اور وہ اب بھی اپنے اس موقف پر قائم ہیں۔