سیرین تھریونین حرکی خامرہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
سیرین یا ریشمیہ یعنی ریشم میں پایا جانے والا ایک امائنو ترشہ
تھریونین یا تھریونہ ، تھریون نامی ایک شکر سے ماخوذ نام

سیرین تھریونین کائنیز دراصل ایک طرح کا خامرہ ہے جو کہ جاندار اجسام میں پایا جاتا ہے اور اسکو کو سیرین تھریونین لحمیاتی کائنیز بھی کہتے ہیں۔ یہ خامرہ سیرین نامی امائنوایسڈ اور تھریونین نامی امائنوایسڈ پر موجود ہائڈروآکسائل گروہ کی فاسفوریت کرتا ہے۔ جیسا کہ اوپر کے بیان میں اندازہ ہوا کہ یہ اصل میں ایک طرح کا حرکی خامرہ یعنی Kinase ہے اور چونکہ یہ امائنو ترشے میں فاسفورس گروہ داخل کرتا ہے یعنی اسکی فاسفوریت کرتا ہے اور چونکہ امائنو ترشے ہی لحمیات بناتے ہیں لہذا اس قسم کے حرکی خامرے کو لحمیاتی حرکی خامرہ بھی کہتے ہیں۔

نظمیت[ترمیم]

نظمیت دراصل regulation کو کہا جاتا ہے اور اس سے مراد یہ ہوتی ہے کسی کیمیائی مادے کو جسم میں کس طرح دوسرے مادوں کے زریعے نظم و ضبط میں رکھا جاتا ہے۔

اصل مضمون: سیرین تھریونین حرکی خامرہ

نظمیت

مذکورہ خامرے کو جسم میں رونما ہونے والے مختلف افعال سے نظم میں رکھا جاتا ہے مثال کہ طور پر DNA میں پیدا ہونے والا کوئی نقصان یا خرابی، اسکے علاوہ اسے مختلف کیمیائی مرکبات کے زریعے سے بھی نظم میں رکھا جاتا ہے جن میں مندرجہ ذیل اہم ہیں۔

انتخابیت[ترمیم]

حیاتیات میں انتخابیت (selectivity) سے مراد یہ ہوتی ہے کہ کوئی سالمہ جسم میں موجود بہت سے سالمات یا جوہروں کے درمیان کیسے اور کس حسن کارکردگی سے اپنے مقصد کا سالمہ یا جوہر چنتا ہے یا اسکا انتخاب کرتا ہے

اصل مضمون: سیرین تھریونین حرکی خامرہ

انتخابیت

اگرچہ تمام سیرین تھریونین حرکی خامرے ہی سیرین اور تھریونین کے ثمالہ (residues) کی اپنے مخصوص مقام (substrates) کے طور پر فاسفوریت کرتے ہیں مگر یہ اس دوران تعین شدہ ثمالہ پر ہی فاسفوریت کا عمل پیدا کرتے ہیں اور اسکا انتخاب کرتے وقت یہ اس متعلقہ ثمالہ کی فاسفوری قبولگر (phospho-acceptor) کی جانب ہونے کو ترجیح دیتے ہیں اور یہ منتخب کردہ مقامات متفق متوالیہ یعنی consensus sequence کے دائرے میں ہوتے ہیں تاکہ خامرے کی ہمہ گیری قائم رہے۔

چونکہ ان متفق متوالیات کے مقامات پر جو جو رکیزہ کے ثمالات ہوتے ہیں (جنکی یہ خامرہ فاسفوریت کرے گا) وہ اس خامرے یعنی kinase میں موجود مہمیزی شگاف (catalytic cleft) کے ساتھ کئی مقامات پر تعلق پیدا کرتے ہیں یا اس سے جڑتے ہیں (یہ جڑنے کا عمل عام طور پر آبگریزی قوتوں اور آئنی بند کے زریعے ہوتا ہے) اور وجہ سے یہ اس بات کی علامت ہے کہ یہ kinase خامرے عام طور پر کسی ایک رکیزے (substrate) کے لیۓ مخصوص نہیں ہوتے بلکہ ایسے رکیزوں کے ایک خاندان کی فاسفوریت کرسکتے ہیں جو کہ مشترکہ پہچان کی ترتیب یا متوالیت رکھتے ہوں۔

ان حرکی خامروں یعنی kinases کے مہمیزی ساحات (catalytic domains) کیمیائی طور پر بہت محفوظی ہوتے ہیں، اس کا مطلب یہ ہوا کہ ان میں عرصہ دراز سے اپنے وراثوں یا genes کو محفوظ رکھنے کی صلاحیت چلی آرہی ہے اور اسی وجہ سے انکو بنانے والے وراثے یا جینز (جنکو محرکیہ یا kinome کہا جاتا ہے) میں پایا جانے والا اختلاف ہی دراصل انکے زریعے الگ الگ رکیزوں کی فاسفوریت کا باعث بنتا ہے۔

انکی انتخابیت کے سلسلے میں ایک آخری اہم بات یہ کہ ان میں سے بہت سے kinases ایسے ہوتے ہیں جنکی اپنے اپنے کاذب رکیزوں یا pseudosubstrates کے زریعے مانعیت یا inhibition ہوتی ہے یعنی وہ کاذب رکیزے انکو انکے کام سے روکنے کی طاقت رکھتے ہیں اور ایسا اس وجہ سے ہوتا ہے کہ یہ کاذب رکیزے بھی دراصل اصل اور سچے رکیزوں (مثلا serine اور threonine) کی طرح ان خامروں کے مہمیزی شگافوں میں جڑنے کی صلاحیت رکھتے ہیں۔ اگر ان کاذب رکیزوں کو کسی طرح سے ہٹا دیا جاۓ تو اسطرح kinase کے مہمیز شگاف خالی ہوجاتے ہیں اور یہ دوبارہ اپنا کام شروع کرسکتے ہیں یا کردیتے ہیں۔

ای سی عدد[ترمیم]

ای سی عدد سے مراد کسی خامرے کا وہ عدد ہوتا ہے جو کہ اسکو Enzyme Commission number کے تحت دیا جاتا ہے اسکو اردو میں ماموریۂ خامری عدد کہا جاتا ہے۔

اصل مضمون: سیرین تھریونین حرکی خامرہ

ای سی عدد

زیادہ تر سیرین تھریونین حرکی خامروں کا اپنا مخصوص اور علیحدہ ای سی عدد نہیں ہے اور انکے لیۓ مجموعی طور پر 2.7.11.1 اختیار کیا جاتا ہے۔ پہلے انکو ای سی عدد ، 2.7.1.37 میں رکھا جاتا تھا جو کہ ان تمام خامروں کے لیۓ استعمال کیا جاتا ہے جو لحمیات کی فاسفوریت کرتے وقت ATP کو ADP میں تبدیل کردیتے ہیں۔ اس خامروں کے زمرے کی Nomenclature Committee of IUBMB (NC-IUBMB) کی جانب سے نظر ثانی کی جارہی ہے اور یہ خیال پایا جاتا ہے کہ اس بار یہ سیرین تھریونین حرکی خامرے اپنا الگ مخصوص ای سی عدد حاصل کرلیں گے۔

اقسام[ترمیم]

سیرین تھریونین حرکی خامروں یا serine threonine kinases کی مختلف اقسام ہوتی ہیں جنکے نام ذیل میں درج کیۓ جارہے ہیں انکی مزید تفصیل کے لیۓ انکے اپنے صفحات مخصوص ہیں۔

بیرونی روابط[ترمیم]