سینے کا درد
طب و حکمت میں سینے کا درد ایک علامت ہے نا کہ ایک مرض۔ یعنی اسکا مطلب یہ ہوا کہ یہ سینے کے درد کی کیفیت مختلف امراض میں پیدا ہوسکتی ہے۔ سینے کا درد مرکزی (central) بھی ہوسکتا ہے اور جانبی (peripheral) بھی۔ جانبی ، طب میں ایسی وجوہات یا مقامات یا اعضاء کو کہا جاتا ہے کہ جو اس مقام پر موجود نا ہوں کہ جس کا ذکر کیا جارہا ہے بلکہ اسکے جانبین میں پائے جاتے ہوں۔
فہرست |
[ترمیم] قلبی وعائی وجوہات
قلبی وعائی نظام (cardiovascular system) کی وجہ سے ہونے والا سینے کا درد فوری طور پر توجہ اور طبی امداد چاہتا ہے۔ اس قسم کے امراض جنکو قلبی وعائی نظام میں شمار کیا جاتا ہے اور جن میں سینے کا درد ایک علامت کے طور پر نمودار ہوتا ہے انکی چیدہ چیدہ فہرست یہ ہے۔
- خانِقہ (angina)
- احتشاء عضل قلب (myocardial infarction)
- تاجی متلازمۂ حاد (acute coronary syndrome)
- درد تامور (pericardial pain)
- اِلہتِاب تامور (pericarditis)
- اِنسِلاخ ابھر (aortic dissection)
- انصِمام پھیپڑی (pulmonary embolism)
[ترمیم] قلبی پھیپڑی وجوہات
یہ وہ امراض یہ اسباب ہوتے ہیں کہ جن کا تعلق خاص طور پر قلب و پھیپڑوں سے ہوتا ہے، ایسے امراض کو قلبی پھیپڑی (cardiopulmonary) کہا جاتا ہے۔
- اِلہتِاب الریہ (pneumonia)
- ہوائی صدر (pneumothorax)
- دمی صدر (hemothorax)
- دمی ہوائی صدر (hemopneumothorax)
- توتری ہوائی صدر (tension pneumothorax)
- اِلہتِاب الجنب / جرسام (pleuritis / pleurisy)
[ترمیم] ڈھانچی و اعصابی وجوہات
یہ سینے میں درد پیدا کرنے والی ایسی بیماریاں یا امراض ہیں کہ جنکا تعلق ریڑھ کی ہڈی ، ڈھانچے اور اعصاب سے ہوتا ہے۔
- قرص فقری انفتاق (herniated intervertebral disc)
- فصال استخوانی (osteoarthritis)
- صدمہ (trauma) (بشمول تصادم والے صدمات)
[ترمیم] میانہ و پھیپڑی وجوہات
میانہ (mediastinum) اصل میں دونوں پھیپڑوں کے درمیانی جگہ کا نام ہے۔
[ترمیم] نفسیاتی وجوہات
نفسیاتی وجوہات ایسی وجوہات ہوتی ہیں کہ جن میں فی الحقیقت تو کوئی مرض موجود نہیں ہو مگر اسکے باوجود ماحولی پریشانیوں یا مریض کی نفسیاتی کیفیات کی وجہ سے اس شخص کو مرض کی علامات محسوس ہوتی ہوں۔
