شعلے

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
شعلے
Sholayposter2.jpg
ہدایات رمیش سپی
تخلیق جی پی سپی
تحریر جاوید اختر
سلیم خان
ستارے دھرمیندر
سنجیو کمار
ہیما مالنی
امیتابھ بچن
جیا بچن
امجد خان
موسیقی راہول دیو برمن
عکسبندی دوارکا دویچا
ادارت ایم ایس شندے
تقسیم کاری سپی فلمز
نمائش 15 اگست 1975ء
وقت دورانیہ 199 منٹ
ملک بھارت کا پرچم بھارت
زبان اردو
میزانیہ 2 کروڑ روپے [1]
جملہ آمدن 768.81 کروڑ روپے
IMDb profile

شعلے بھارت کی ایک اردو فلم ہے جس کے لیے ہدایات رمیش سپی نے دی تھیں۔ یہ بھارت کی فلمی صنعت بالی ووڈ کی تاریخ کی سب سے کامیاب ہندی فلم ہے۔ 15 اگست 1975ء کو جاری ہونے والی اس فلم میں دھرمیندر، سنجیو کمار، امیتابھ بچن، ہیما مالنی، جیا بچن اور امجد خان نے اپنی فنکاری کے جوہر دکھائے۔ ریاست کرناٹک کے قصبہ رام نگر کے پہاڑی علاقے میں فلمائی گئی یہ فلم دراصل دو چھوٹے موٹے مجرموں کی کہانی ہے جن کی خدمات ایک ڈاکو گبر سنگھ کی گرفتاری کے لیے حاصل کی گئی تھیں۔

یہ بھارتی فلمی تاریخ میں سب سے زیادہ منافع بخش فلم ہے۔ اس نے 7 ارب 68 کروڑ 81 لاکھ روپے (160 ملین امریکی ڈالرز) کی آمدنی حاصل کی۔ فلم ممبئی کے ایک سینما گھر "منروا" میں مسلسل 286 ہفتوں (پانچ سے زائد سال) تک نمائش کے لیے چلتی رہی۔ شعلے اب بھی بھارت بھر میں 60 سینما گھروں میں 50 ہفتے، جسے فلمی اصطلاح میں گولڈن جوبلی کہا جاتا ہے، تک مسلسل نمائش پر لگی رہنے کا ریکارڈ رکھتی ہے اور 1970ء کی دہائی کے اواخر، 1980ء، 1990ء کی دہائیوں اور 2000ء کی دہائی کے اوائل میں سینما گھروں میں ایک مرتبہ پھر جلوہ گر ہو کر اپنی اصل آمدنی میں دوگنا اضافہ کیا۔ شعلے بھارت کی تاریخ کی پہلی فلم تھی جس نے ملک کے 100 سے زائد سینما گھروں میں 25 ہفتے تک نمائش کے لیے موجود رہی۔

1999ء میں بی بی سی انڈیا نے اسے "ہزاریے کی بہترین فلم" قرار دیا جبکہ انڈیا ٹائمز نے اسے بالی ووڈ کی لازمی دیکھنے والی اولین 25 فلموں میں شمار کیا[2]۔ اسی سال 50 ویں فلم ویئر ایوارڈز کی تقریب میں منصفین نے اسے ایک خصوصی اعزاز "فلم فیئر 50 سالوں کی بہترین فلم" سے نوازا۔

یہ فلم مغربی فلموں کی نقالی کی ایک اور بہترین مثال تھی، جیسا کہ بھارت کی فلمی صنعت میں بیشتر فلمیں ہوتی ہیں۔ یہ فلم خاص طور پر سرجیو لیون کی اسپیگھٹی ویسٹرنز (Spaghetti Westerns) اور جون اسٹرجز کی دی میگنفیسنٹ سیون (The Magnificent Seven) سے بہت زیادہ متاثر تھی۔ اس کے علاوہ چند مناظر 1969ء کی وائلڈ بنچ (The Wild Bunch) اور 1973ء کی بلی دی کڈ (Billy the Kid) کی نقالی تھے۔

اہم کردار[ترمیم]

موسیقی[ترمیم]

فلم کی موسیقی راہول دیو برمن (المعروف آر ڈی برمن) نے ترتیب دی تھی۔ یہ ایک گیت محبوبہ محبوبہ انہوں نے خود گایا بھی تھا۔ فلم کے دیگر گانے و گلوکار یہ ہیں:

حوالہ جات[ترمیم]

‘‘http://ur.wikipedia.org/w/index.php?title=شعلے&oldid=839143’’ مستعادہ منجانب