شمارندی حمہ

شمارندی حُمہ (computer virus) ایک ایسا شمارندی برنامج یا computer program ہوتا ہے کہ جو کسی شمارندے یا کمپیوٹر میں (بلا اجازت) داخل ہوکر اس شمارندے کو ، جانداروں میں عدوی (infection) پیدا کرنے والے حمہ (virus) کی طرح متعفن (infected) کر دے۔ اسی بات کو یوں بھی کہا جاسکتا ہے کہ شمارندی حمہ اصل میں ایک طرح کا مصنع لطیف (software) ہی ہوتا ہے جو کہ کسی شمارندے میں داخل ہونے کے بعد اپنی نوپیداوار کا عمل بھی جاری کرسکتا ہے اور اس کے ساتھ شمارندے کے نظام ، اسکی files اور اسکے برنامجات (programs) کو بری طرح متاثر کر دیتا ہے۔ شمارندی حمہ یا وائرس بھی جانداروں کے حمہ کی مانند ایک متعدی وباء کی صورت اختیار کرسکتا ہے ، اسکے ایک شمارندے سے دوسرے شمارندے میں منتقل ہونے کے امکانات اس وقت بہت روشن ہو جاتے ہیں کہ جب بیمار شمارندہ کسی شراکہ (network) جیسے شبکہ (internet) وغیرہ کے زریعے سے کسی دوسرے شمارندے سے رابطہ رکھتا ہو ، اسکے علاوہ یہ شمارندی حمہ کسی قابل رفع (removable) ذخیرہ سازی اختراع جیسے Floppy disk اور CD وغیرہ کے زریعے سے بھی ایک شمارندے سے دوسرے شمارندے میں منتقل ہوسکتا ہے۔