ضلع قلعہ سیف اللہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش


قلعہ سیف اللہ
عمومی معلومات
ملک Flag of Pakistan.svg پاکستان
صوبہ بلوچستان
ضلع قلعہ سیف اللہ
رقبہ 11600مربع کلومیٹر
بلندی 1500تا 2200میٹرز از سطحِ سمندر
آبادی 230000
موجودہ ناظم مولوی انور الدین


صوبہ بلوچستان میں ضلع قلعہ سیف اللہ کا محل وقوع

ضلع قلعہ سیف اللہ پاکستان کے صوبہ بلوچستان کا ایک ضلع ہے۔جس کا رقبہ 11600مربع کلومیٹر پر مشتمل ہے ، اور اس کی دو تحصیل ہیں جو قلعہ سیف اللہ اور مسلم باغ کہلاتے ہیں ۔قلعہ سیف اللہ 14دسمبر 1998کو ضلع بنا۔ اس سے پہلے یہ ضلع ژوب کا حصہ ہوتا تھا۔ ضلع کی آبادی لگ بھگ دو لاکھ تیس ہزار ہے ۔ یہاں کی آبادی پشتونوں کے کاکڑ قبیلہ کے ذیلی قبائل سنزر خیل اور سنیاٹہ پر مشتمل ہیں جو مزید چھوٹی چھوٹی ذیلی شاخوں میں تقسیم ہیں ، جن میں جو گیزئی، کمالزئی، ملازئی، مہترزئی وغیرہ قابل ذکر ہیں ۔ قلعہ سیف اللہ سطح سمندر سے 1500تا 2200میٹرز کی بلندی پر ہے ، قلعہ سیف اللہ میں گرمیوں میں زیادہ گرمی اور سردیوں میں بہت سردی پڑ تی ہے ، یونین کونسل کان مہترزئی جو سطح سمندر سے 2170کی بلندی پر ہے وہاں جنوری اور فروری کے مہینوں میں پہاڑ وں کی چوٹیاں برف سے ڈھکی رہتی ہیں اور غضب کی سردی پورے علاقہ کو اپنی لپیٹ میں رکھتی ہے ۔ ضلع قلع سیف اللہ بنیادی طو ر پر ایک زرعی علاقہ ہے ، جہاں 22سو کے لگ بھگ ٹیوب ویل اور لاکھوں ایکڑ پر زراعت پھیلی ہوئی ہے ، عوام کا زیادہ تر حصہ زراعت پر ہی گزر بسر کرتا ہے ، زرعی فعالیت کی وجہ سے ملک بھر کی منڈیوں میں قلعہ سیف اللہ کی سبزی اور پھل مہنگے داموں بکتے ہیں ۔ ضلع میں سب کی مختلف قسمیں پیدا ہوتی ہیں ، اس کے علاوہ خوبانی، انگور، انار اور سبزیوں میں گاجر، سبز مرچ اور سرخ مرچ اور کئی اقسام کی دالیں بھی پیدا ہوتی ہیں ، یہاں کا ٹماٹر اپنے ذائقہ کے لیے بہت مشہور ہے ۔



تحصیلیں اور ذیلی تحصیلیں[ترمیم]

انتظامی طور پر اس کی تحصیلیں اور ذیلی تحصیلیں درج ذیل ہیں۔

  • (تحصیل قلعہ سیف اللہ‏)‏
  • (تحصیل مسلم باغ‏)‏
  • (تحصیل لوئی بند‏)‏
  • (تحصیل بدینی‏)‏


ہرنا