ضلع گھوٹکی

ضلع  گھوٹکی
گھوٽڪي
عمومی معلومات
ملک	پاکستان
صدر مقام	گھوٹکی
صوبہ	سندھ
آبادی	970،549 بمطابق 1998ء
زبانیں	سندھی اردو پنجابی
منطقۂ وقت	متناسق عالمی وقت +5
ناظم	علی گوہر مہر
نائب ناظم	عبد اللہ خان
تحصیل	5  ڈہرکی گھوٹکی میرپور ماتھیلو اوباوڑو خان گڑھ
صوبہ سندھ کے نقشے میں ضلع گھوٹکی کا محل وقوع

ضلع گھوٹکی پاکستان کے صوبہ سندھ کا ایک ضلع ہے۔ 1998ء کی قومی مردم شماری کے مطابق ضلع کی کل آبادی 970،549 ہے۔ ضلعی صدر مقام میرپور ماتھیلو ہے۔ ضلع گھوٹکی کی سرحدیں مشرق میں بھارت، جنوب اور جنوب مغرب میں ضلع سکھر، مشرق میں ضلع کندھکوٹ اور شمال میں پنجاب کے ضلع رحیم یار خان کی تحصیل صادق آباد سے ملتی ہیں۔

سندھ کو پنجاب اور سرحد سے منسلک کرنے والی مرکزی ریلوے لائن اسی ضلع سے ہو کر گزرتی ہے اور یہاں کا ریتی ریلوے اسٹیشن پنجاب سے قبل سندھ میں ریل گاڑی کا آخری پڑاؤ ہے۔

انتظامی تقسیم

ضلع مندرجہ ذیل تحصیلوں (تعلقوں) میں تقسیم ہے:

• تحصیل ڈہرکی
• تحصیل گھوٹکی
• تحصیل میرپور ماتھیلو
• تحصیل اوباوڑو
• تحصیل خان گڑھ

آبادیاتی خصوصیات

ضلع کی بیشتر آبادی مذہب اسلام کی پیرو ہے۔ 93.06 فیصد لوگ مسلمان ہیں جبکہ ہندو سب سے بڑی اقلیت ہیں جو کل آبادی کا 6.68 فیصد ہیں۔ ان کے علاوہ عیسائی، احمدی اور دیگر اقلیتیں بھی یہاں رہتی ہیں۔

اہم زبانوں میں سندھی سب سے بڑی زبان ہے جو 92.29 فیصد لوگ بولتے ہیں۔ اس کے بعد اردو 3.08 فیصد کے ساتھ دوسری سب سے زیادہ بولی جانے والی زبان ہے۔ پنجابی 2.92 فیصد، سرائیکی 0.60 فیصد، بلوچی 0.53 فیصد اور پشتو 0.28 فیصد آبادی کی زبان ہے۔

مشہور شخصیات

ضلع گھوٹکی سے چند ہی شخصیات سیاست کے قومی منظر نامے پر جلوہ افروز ہوئیں، جن میں سے اہم درج ذیل ہیں:

• غلام محمد مہر - سابق وزیر دفاع
• علی محمد مہر - سابق وزیر اعلی سندھ

بیرونی روابط

• مقامی حکومتوں کا نظام، صوبہ سندھ – ضلع گھوٹکی