گیس

آزاد دائرۃ المعارف، ویکیپیڈیا سے
(فارغہ سے رجوع مکرر)
:چھلانگ بطرف رہنمائی، تلاش
گیسی حالت میں ذرّے (جوہر، سالمات، آئنات یا برقیے) آزادانہ حرکت کرتے ہوئے ایک دوسرے سے بھی ٹکراتے ہیں اور برتن کی دیواروں سے بھی۔

طبیعیات میں، فارغہ (جمع: فارغین) (انگریزی: gas) مادہ کی وہ حالت ہے جس میں مادہ کی کوئی خاص شکل نہیں ہوتی اور اُس کے ذرّے یعنی جوہر، سالمات، آئنات یا برقیے کچھ حد تک آزادانہ حرکت کرتے ہیں مثلاً ہوا۔
گیس جس برتن میں بند ہو اسکی شکل اختیار کر لیتی ہے۔ ٹھوس اور مائع کے بر خلاف گیس با آسانی پھیل اور سکڑ سکتی ہے۔ ٹھنڈا کرنے پر مناسب دباو پر گیس مائع اور ٹھوس حالت میں تبدیل کی جا سکتی ہے۔

وجۂ تسمیہ[ترمیم]

فارغہ کو وضع کرنے میں انگریزی لفظ gas کی اصل الکلمہ (etymology) کو اساس بنایا گیا ہے۔ لغات کے مطابق gas کا لفظ یونانی کے khaos سے ماخوذ ہے جس کے معنی empty کے ہوتے ہیں؛ اب gas کا لفظ سائنس میں آج کل ان بنیادی معنوں کے ساتھ ساتھ وہ تمام معنی بھی رکھتا ہے جو کہ properties of gas کے نام سے جانے جاتے ہیں، گویا کسی بھی لفظ کے معنی اس کے استعمال سے حاصل ہوتے ہیں۔ فرغ کی اساس سے فارغ کا لفظ بنتا ہے جس کے معنی empty, absolved, void, hollow کے ہوتے ہیں؛ اسی فارغ سے اسم فارغہ اخذ کیا گیا ہے۔ فارغ اور فراغ محض فرصت کے معنوں میں ہی نہیں آتا بلکہ اس سے khaos یا empty کا وہی مفہوم عربی میں مستعمل ہے جو کہ انگریزی میں ہے۔ جیسے:

  1. empty space = الموقع الفارغ = خالی جگہ
  2. empty box = الصندوق الفارغ = خالی صندوق

چونکہ انگریزی کے لفظ gas کے لیے دیگر ممنکنہ متبادلات اپنا اختصاص قائم نہیں رکھ پاتے؛ جیسے بخار (بخارات) vapor سے اور غبار mist سے نزدیک ہے نا کہ gas سے۔ پھر یہ کہ چونکہ gas ایک بکثرت استعمال ہونے والا لفظ ہے اور اسکا متبادل انگریزی کی طرح مختصر اور ادائگی میں سہل ہونا چاہیے۔

مزید دیکھئے[ترمیم]

‘‘http://ur.wikipedia.org/w/index.php?title=گیس&oldid=820895’’ مستعادہ منجانب