فخرالدین الرازی

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

پیدائش: 1149ء

وفات : 1209ء

محدث ، فقیہ ، فلسفی ۔ پورا نام علامہ فخر الدین ابو عبداللہ محمد بن عمر بن لحسینی تھا۔ رے ایران میں پیدا ہوئے۔ جہاں آپ کے والد ضیاء الدین عمر خطیب تھے ۔ اس لیے آپ ابن الخطیب بھی کہلاتے ہیں۔ شافعی اور اشعری عقیدہ رکھتے تھے ۔ خوارزم میں معتزلہ عقائد کے خلاف تبلیغ کے لیے گئے لیکن وہاں سے بخارا اور سمرقند جانے پر مجبور ہوئے۔ 1190ء میں غزنی اور پنجاب کا دورہ کیا۔ پھر ہرات میں مستقل سکونت اختیار کی اور ایک مدرسے میں شیخ الاسلام کی حیثیت سے تدریس میں مصروف ہو گئے۔ سلطان علاؤالدین محمد خوارزم شاہ آپ کا سرپرست تھا ۔ حاسدوں نے آپ کو زہر دے دیا جس سے جانبر نہ ہو سکے ۔ آپ نے علوم دین کو فلسفیانہ پیرائے میں پیش کیے۔ ابن سینا اور فارابی نے معترف اور امام غزالی کے خلاف تھے ۔ علم الکلام میں مشہور تصنیف اساس التقدیس ہے۔ دوسری متداول تصنیف کا نام مفاتیح الغیب ہے جو تفسیر کبیر کے نام سے مشہور ہے۔