فریال گوہر

فریال گوہر
معلومات شخصیت
پیدائش	18 دسمبر 1959ء (65 سال)
شریک حیات	جمال شاہ
بہن/بھائی	مدیحہ گوہر
عملی زندگی
پیشہ	ادکارہ ،  فلم اداکارہ
	IMDB پر صفحہ

فریال گوہر ایک پاکستانی اداکارہ، ٹیلی ویژن کی مصنفہ اور انسانی حقوق کی کارکن ہیں۔ وہ وارث، اڑان، چاندنی راتیں، چاند گرہن ، وصال اور موہنی مینشن کی سنڈریلاین میں اپنے کرداروں کے لیے جانی جاتی ہیں۔

ابتدائی زندگی

فریال 18 دسمبر 1959ء کو لاہور، پاکستان میں پیدا ہوئیں۔ انھوں نے لاہور امریکن اسکول میں تعلیم حاصل کی، انھیں کھیل کھیلنا اچھا لگتا تھا اور وہ سافٹ بال کھیلتی تھیں آخر کار وہ اپنے اسکول میں سافٹ بال کی کپتان بن گئیں۔ اس کے بعد وہ کنیئرڈ کالج گئیں وہاں انھوں نے کھیلوں میں حصہ لیا۔ بعد ازاں وہ سیاسی معاشیات کی تعلیم کے لیے کینیڈا چلی گئیں اور جامعہ میک گل میں تعلیم حاصل کی۔ جامعہ میک گل سے گریجویشن کرنے کے بعد، وہ امریکا چلی گئیں اور انھوں نے لاس اینجلس میں جامعہ سدرن کیلیفورنیا میں تعلیم حاصل کی اور انھوں نے دستاویزی فلم کا مطالعہ کیا۔

عملی زندگی

فریال نے 1980ء میں پی ٹی وی پر بطور اداکارہ آغاز کیا وہ اپنے شوہر جمال شاہ کے ساتھ ڈراما ٹریفک میں نظر آئیں۔ پھر وہ ڈراموں اڑان، چاند گرہن اور چاندنی راتیں میں نظر آئیں۔

1984ء میں انھوں نے جامعہ بلوچستان میں فائن آرٹس کا شعبہ قائم کیا۔ وہ ٹیلی فلم گل پھینکے ہیں میں بھی جہاں آرا کے طور پر نظر آئیں فریال نے اجوکا تھیٹر میں شمولیت اختیار کی جس کی بنیاد ان کی بہن مدیحہ نے رکھی تھی اور انھوں نے 1980ء سے 1990ء تک تھیٹر کیا، انھوں نے بہت سے اسٹیج ڈرامے بھی کیے۔

فریال کو 1999ء میں اقوام متحدہ کے پاپولیشن فنڈ کے لیے یو این ایف پی اے کی خیر سگالی سفیر مقرر کیا گیا تھا

2013ء میں وہ فلم زر گل میں یاسمین کے کردار میں نظر آئیں اور 2014ء میں وہ فلم تمنا میں میڈم فاطمہ کے کردار میں نظر آئیں۔ پھر وہ ڈراما موہنی مینشن کی سنڈریلاین میں اداکارہ شبنم اور قوی خان کے ساتھ دارو ماسی کے کردار میں نظر آئیں۔

2018ء میں انھیں کینسر کیئر ہسپتال اور ریسرچ سنٹر کی طرف سے گڈ ول کینسر کیئر ایمبیسیڈر مقرر کیا گیا۔

فریال کو 2019ء میں فیڈریشن آف پاکستان کے صدر حیدر خان لہری نے گڈ ول سافٹ بال ایمبیسیڈر کے طور پر مقرر کیا تھا

ذاتی زندگی

فریال نے اداکار جمال شاہ سے شادی کی لیکن کچھ سال بعد دونوں میں طلاق ہو گئی۔ فریال نے امریکا میں کیلیفورنیا میں پاکستانی ڈاکٹر سے شادی کی لیکن یہ بھی طلاق پر ختم ہوئی۔ فریال کی بڑی بہن اداکارہ مدیحہ گوہر کا 2018ء میں انتقال ہو گیا ۔ فریال اداکارہ سویرا ندیم کی خالہ اور اسکرین رائٹر شاہد ندیم کی بھابھی ہیں۔

فلموگرافی

ٹیلی ویژن

سال	عنوان	کردار	نیٹ ورک
1979ء	وارث	شہزادی	پی ٹی وی
1982ء	سونا چندی	زیب	پی ٹی وی
1989ء	ٹریفک	رومانہ	چینل 4
1992ء	وصال	زونیا	پی ٹی وی
1995ء	چاند گرہن	گلبہار	پی ٹی وی
1996ء	یوران	عامرہ	پی ٹی وی
2002ء	چاندنی راتیں	ابگینی عامر	پی ٹی وی
2012ء	بشریٰ انصاری کے ساتھ برنچ	خود کو	جیو نیوز
2018ء	موہنی مینشن کی سنڈریلاین	دارو ماسی	بول انٹرٹینمنٹ

ٹیلی فلم

سال	عنوان	کردار
1990ء	گل پھینکے ہیں	جہان آرا

فلم

سال	عنوان	کردار
1997ء	زر گل	یاسمین
2014ء	تمنا	میڈم فاطمہ

موسیقی ویڈیو

سال	نغمہ	گلوکار	نوٹس
2010ءّ	کوئی دل میں	راحت فتح علی خان	ساتھی اداکار سلمان شاہد

اعزازی سفیر

• 1999ء میں یو این ایف پی اے کی خیر سگالی سفیر
• 2018ء میں سفیر برائے کینسر کیئر
• 2019ء میں پاکستان سافٹ بال کی سفیر

اعزازات اور نامزدگی

سال	اعزاز	قسم	نتیجہ	عنوان	حوالہ
2003ء	دوسرا لکس اسٹائل ایوارڈز	بہترین اداکارہ (ٹی وی)	نامزد	چاندنی راتیں

کتاب

فریال نے اگست میں ایک تنقیدی ناول جس کا عنوان ہے گیلی زمین کی خوشبولکھا، جو آج کل کی خواہش اور نقصان کے بارے میں ہے پھر انھوں نے ایک اور کتاب لکھی جس کا عنوان تھا مزید تدفین کے لیے کوئی جگہ نہیں، جس میں سماجی و سیاسی صورت حال کے بارے میں تشویش کا ذکر کیا گیا تھا۔