لکشمی سہگل

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش


لکشمی سہگل
لکشمی سہگل
پیدائش 24 اکتوبر 1914 (1914-10-24)
مدراس ، بھارت
وفات 23 جولائی 2012 (عمر 97 سال)
کانپور ، بھارت
رہائش کانپور
اسمائے دیگر کپتان لکشمی سہگل
پیشہ طبیب
سالہائے فعالیت 1942ء تا وفات
وجہِ شہرت انقلابی ، مجاہد آزادی
سیاسی جماعت اشمالی جماعتِ ہند-مارکسی
سیاسی تحریک کل ہند جمہوری انجمنِ خواتین
شریک حیات پی کے این راؤ ( - 1940)
پریم کمار سہگل (1947- تا موت)
اولاد سبھاشنی علی
والدین ڈاکٹر سوامی ناتھن اور امّو سوامی ناتھن
رشتہ دار بہن : مرنالنی سارابھائی
اعزازات پدم وبھوشن


لکشمی سہگل یا کپتان لکشمی آزاد ہند فوج کی سرگرم کارکن اور مجاہد آزادی تھیں۔ وہ آزاد ہند سرکار میں وزیرِ امورِ خواتین بھی تھیں۔

حیات نامہ[ترمیم]

ڈاکٹر لکشمی سہگل کی پیدائش 1914ء کو مدراس میں ہوئی۔ اُن کا والد ڈاکٹر سوامی ناتھن مدراس عدالتِ عالیہ کا مشہور وکیل تھا۔ اور اُن کی والدہ اَمّو کُوٹی (امّو سوامی ناتھن) کیرالا کے پالگھاٹ کی واطن تھی۔[1]

ابتدائی زندگی[ترمیم]

انھوں نے کم عمری ہی میں ولایتی مصنوعات کا مقاطعہ اور شراب کے تجارتی مراکز کا محاصرہ وغیرہ میں حصّہ لیا۔ غریبوں خصوصاً خواتین کی خدمات کے لئے علمِ طب کی تعلیم حاصل کرنے کا ارادہ کیا۔ اُنھوں نے 1938ء میں مدراس میڈیکل کالج سے ایم بی بی ایس کی ڈگری تفویض کی۔ بعد میں علمِ معالجۂ خواتین اور طب تولید کی تعلیم حاصل کی۔ 1941ء میں سنگاپور گئیں۔ وہاں غریبوں کے لئے کلینک کا آغاز کیا۔ وہاں غریب بھارتی مزدوروں کی تعداد بہت زیادہ تھی۔ 1942ء میں جاپان نے برطانیہ کو مغلوب کیا تو اُنھوں نے جنگ کے زخمیوں کا علاج کیا۔

آزاد ہند فوج[ترمیم]

1943ء میں سبھاش چندر بوس کی سنگاپور آمد سے وہ آزاد ہند فوج کی کارکن ہوئی۔ سبھاش چندر بوس نے سنگاپور میں جہادِ آزادیٔ ہند کے لئے ایک خواتین دستہ کی تشکیل کا ارادہ کیا۔ لکشمی سہگل نے کلینک کو چھوڑ کر زنانہ دستی کی تشکیل میں سرگرم رہی۔ اس کے بعد سے وہ کپتان لکشمی کے نام سے مشہور ہوئی۔ بیک وقت وہ میدانِ کارزار اور زخمیوں کے علاج میں سرگرم رہی۔ 4 مارچ 1947ء میں برطانوی افواج نے ان کو گرفتار کر کے بھارت لایا گیا۔ برطانوی افواج نے انھیں بری کر دیا۔ اس کے بعد وہ آزاد ہند فوج کے مقید کارکنوں کی رہائی کے لئے کوشاں رہی۔ انھوں نے بھارت گیر دورہ کر کے آزاد ہند فوج کے لئے کام کیا۔

ذاتی زندگی[ترمیم]

انھوں نے مارچ 1947ء میں آزاد ہند فوج کے سرگرم کارکن کرنل پریم کمار سہگل سے شادی کی۔ اس کے بعد اُنھوں نے کانپور میں سکونت اختیار کی۔ اُن کی بیٹی سبھاشنی علی اشمالی سیاستدان ہے۔ فلم صنعتکار شاد علی اُن کا نواسہ ہے۔ مشور رقاصہ مرنالنی سارابھائی اُن کی بہن ہے۔

وفات[ترمیم]

19 جولائی 2012ء میں عارضۂ قلب کے سبب اسپتال میں داخل کیا گیا۔ 23 جولائی 2012ء میں کانپور کے اسپتال میں بوقتِ صبح 11:20 کو لکشمی سہگل کا انتقال ہوا[2]۔ [3]۔

سیاست[ترمیم]

1971ء میں وہ اشتمالی جماعت ہند (مارکسی) میں شامل ہوئیں۔ اور ایوانِ بالا میں نمائندگی کرتی رہی۔ 1981ء میں بھارت کی سب سے بڑی تنظیمِ خواتین کل ہند جمہوری انجمنِ خواتین کی نائب صدر رہی۔ 2002ء میں عبد الکلام کے خلاف بائیں بازو جماعتوں کی حمایت سے صدرِ جمہوریۂ ہند کا امیدوار رہی۔

اعزاز[ترمیم]

1998ء میں وہ بھارت کا امتیازی اعزاز پدم وبھوشن سے صدرِ جمہوریۂ ہند کے آر نارائن کے ہاتھوں نوازی گئیں۔

حوالہ جات[ترمیم]

  1. ^ Kolappan, B. (24 July 2012). "A fulfilling journey that began in Madras". The Hindu. http://www.thehindu.com/news/cities/chennai/article3675707.ece. Retrieved 24 July 2012.
  2. ^ http://epaper.inquilab.com/showtext.aspx?boxid=71120903&parentid=196922&issuedate=24072012&edd123=mumbai
  3. ^ "Freedom fighter Captain Lakshmi Sahgal dies". http://www.ndtv.com/article/india/freedom-fighter-captain-lakshmi-sahgal-dies-246468.

بیرونی روابط[ترمیم]