لیچی

لیچی
حیاتیاتی جماعت بندی
مملکت: Plantae (بلارتبہ): Angiosperms (بلا رتبہ): Eudicots (بلا رتبہ): Rosids طبقہ: Sapindales خاندان: Sapindaceae فوقی خاندان: Sapindoideae جنس: Litchi Sonn. نوع: L. chinensis
Binomial name
Litchi chinensis Sonn.

چھلے ہوئے پھل میں گودا اور بیج نظر آرہے ہیں۔

لیچی ایک لذیز پھل ہے جس کی چھال سرخ رنگ کی ہوتی ہے۔ اندر سفید گودا اور ایک گٹھلی ہوتی ہے۔ اس کا اصل وطن چین ہے تاہم اب دنیا کے اکثر علاقوں میں کاشت کیا جاتا ہے۔ اسے خاص طور پر جنوبی ایشیا کے ممالک میں بہت پسند کیا جاتا ہے۔ اس کا درخت سدابہار ہوتا ہے اور عموماً 10 سے 15 میٹر کی اونچائی تک پہنچ سکتا ہے۔ بڑے پیداواری ممالک میں چین ، تھائی لینڈ ، ویتنام اور بھارت شامل ہیں۔ بھارت کی کل پیداوار کا 75٪ صرف صوبہ بہار میں ہوتا ہے۔ لذیز ہونے کے ساتھ ساتھ یہ غذائی اعتبار سے بھی بہت عمدہ پھل ہے۔ اس میں وٹامن سی وافر مقدار میں ہوتا ہے اور 9 لیچیاں ایک بالغ انسان کے پورے دن کی وٹامن سی کی ضرورت پوری کرنے کے لیے کافی ہوتی ہیں۔ اس کے علاوہ اس میں تانبا ، فاسفورس اور پوٹاشیم کی بھی خاصی مقدار ہوتی ہے۔