مادیعیرا

مادیعیرا

مادیعیرا (انگریزی، پرتگالی: Madeira) بحر اوقیانوس میں واقع پرتگالی جزیروں کا مجموعہ ہے، جسکا شمار پرتگال اور یورپ کے نیم خودمختار علاقوں میں ہوتا ہے۔ گو جزائر کو افریقی پلیٹ کا حصہ تصور کیا جا سکتاہے، تاہم سیاسی اور ثقافتی لحاظ سے یہ یورپ کا حصہ ہی ہیں۔ فنکال (Funchal) لگ بھگ ایک لاکھ آبادی کے ساتھ سب سے بڑا شہر اور صدر مقام ہے۔

ثقافت اور لوگ

مادیعیرا جنہیں رومی بنفشی جزائر کے نام سے جانتے تھے، شاید حادثاتی طور پر پرتگالیوں نے 1418ء یا 1420ء میں دریافت کیے۔ ان کا شمار مشہور سیاحتی مقامات میں ہوتا ہے جہاں کی وائن (شراب)، پھول اور زیورات مشہور ہیں۔ انکے علاوہ نۓ سال کے جشن کی تقریبات کے لیے بھی شہرت رکھتا ہے جہاں پوری دنیا سے لوگ نۓ سال کی تقریبات میں شرکت کے لیے آتے ہیں اور اس دوران یہاں دنیا کا سب سے بڑا آتش بازی کا مظاہرہ بھی کیا جاتا ہے جسکا ذکر گنیز بک آف ورلڈ ریکارڈ میں بھی ہے۔

آبادی لگ بھگ دو لاکھ پچاس ہزار (1991ء) نفوس پر مشتمل ہے، جن میں سے چار ہزار آٹھ سو پورتو سانتو (Porto Santo) میں رہتے ہیں۔ ابتدائی آبادکاروں میں پرتگالی علاقہ الگارووے ( Algarve) اور منہو (Minho) کے لوگ ہیں۔ شہر خوبصورت ہیں جہاں تاریخی یادگاریں، خوبصورت عمارتیں اور باغات بکثرت موجود ہیں۔

سیاحت

سیاحت اہم ذریعہ آمدن ہے، جو کل جی ڈی پی کا 20 فیصد دیتا ہے۔ سیاحوں کی آمد سے سارا سال گہما گہمی رہتی ہے جس سے دوسرے ذریعہ معاش جیسے ذرا‏ئع آمدورفت، خرید و فروخت پر بھی اچھا اثر پڑتا ہے۔ ہوٹلوں اور ریسٹورانٹ کے ذرائع سے 9 فیصد جی ڈی پی کا حصول بھی اس بات کی عکاسی کرتا ہے۔

زیادہ تر سیاحوں کا تعلق یورپی یونین کے ممالک جیسے جرمنی، برطانیہ سے ہے، انکے علاوہ پرتگال کے دوسرے علاقوں سے آنے والے سیاح بھی خاصی بڑی تعداد میں ہیں۔

یورپ کے نیم خودمختار علاقے

اطالیہ (ترینتینو جنوبی ٹائرول ۔ ساردینیا ۔ سسلیہ ۔ فریولی وینیزیا جولیا ۔ وادی آوستہ) | جارجیا (ادجارا) | فن لینڈ (آلینڈ) | برطانیہ (اکروتری اور دھکیلیا ۔ گورنزی ۔ آئل آف مین ۔ جرسی ۔ جبرالٹر) | پرتگال (آزوریس ۔ مادیعیرا) | یوکرائن (کریمیا) | ڈنمارک (جزائر فروعے ۔ گرین لینڈ) | مالڈووا (گوگازیا) | یونان (مونٹ آتھوس) | آذربائیجان (نخچیوان) | رشین فیڈریشن کی نیم خودمختار ریاستیں | رشین فیڈریشن کے نیم خودمختار اضلاع | رشین فیڈریشن کے نیم خودمختار صوبے | ناروے (سوالبرڈ) | سربیا (ووجوودینا) خودساختہ یا غیر تسلیم شدہ ریاستیں جارجیا (ابخازیہ) ۔ (جنوبی اوسیشیا) | آذربائیجان (نگورنو کاراباخ) | مالدوا (ٹرانسنسٹریا) | قبرص (ترک جمہوریۂ شمالی قبرص) اقوام متحدہ کے زیر انتظام علاقے سربیا (کوسووہ)