مسجد حسن ثانی

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

مسجد حسن ثانی، کاسابلانکا

مسجد حسن ثانی
مسجد حسن ثانی is located in مراکش
Shown within مراکش
بنیادی معلومات
محل وقوع Flag of Morocco.svg مراکش
جغرافیائی متناسقات 33°36′31″N 7°37′57″W / 33.608508°N 7.63258°W / 33.608508; -7.63258متناسقات: 33°36′31″N 7°37′57″W / 33.608508°N 7.63258°W / 33.608508; -7.63258
مذہبی انتساب اسلام
علاقہ عظیم کاسابلانکا
ریاست کاسابلانکا
اقلیم کاسابلانکا-انفا
ضلع کاسابلانکا
بلدیہ کاسابلانکا
تاریخ وقف 1993
مذہبی یا تنظیمی حالت زیر استعمال
موجودہ حالت فعال
قیادت شاہ حسن ثانی
معماری اوصاف
معمار مائیکل پنسو (فرانس)
معماری قسم مسجد
معماری طرز عرب-اندلسی، مراکشی معماری
جنرل ٹھیکیدار بوئگس
سنگِ بنیاد 12 جولائی 1986
تکمیل 30 اگست 1993
تعمیری لاگت 400–700 ملین امریکی ڈالر
تفصیلات
گنجائش 105,000 (25,000 اندورنی، مزید 80,000 مسجد کے میدانوں میں)
گنبد One
مینار ایک
بلندی مینار 210 metres (690 ft)
معماری مواد سیڈار وسطی اطلس سے
پتھر اغادیر سے
گرینائٹ تفراؤٹے سے[1]

منفرد طرز تعمیر کی حامل مسجد حسن الثانی مراکش کے شہر کاسابلانکا میں واقع ہے۔ اس مسجد کا ڈیزائن فرانسیسی ماہر تعمیرات مائیکل پنیسو نے تیار کیا۔ اس نے مسجد کے ڈیزائن کی تیاری میں اسلامی فن تعمیر سے مدد لی۔ مسجد میں ایک لاکھ سے زائد نمازیوں کی گنجائش ہے۔

یہ دنیا کی ساتویں بڑی مسجد ہے۔ اس کی تعمیر پر 80 کروڑ ڈالر کی لاگت آئی۔ اس مسجد کا مینار دنیا کا سب سے بلند مینار ہے جس کی بلندی 210 میٹر(689 فٹ) ہے۔ اس مسجد کی تعمیر اس طرح کی گئی ہے کہ اس کا نصف حصہ سمندر سے حاصل کی گئی زمین پر اور نصف حصہ بحر اوقیانوس کی سطح پر ہے۔ اس کے فرش کا ایک حصہ شیشے کا ہے جہاں سے سمندر کا پانی دکھائی دیتا ہے۔

اسلامی فن تعمیر کے ساتھ ساتھ یہ مسجد کئی جدید سہولیات سے بھی مزین ہے جن میں زلزلے سے محفوظ ہونا، سردیوں میں فرش کا گرم ہونا، برقی دروازے اور ضرورت کے مطابق کھولنے یا بند کرنے کے قابل چھت شامل ہیں۔

اس کا طرز تعمیر اسپین میں قائم الحمرا اور مسجد قرطبہ سے ملتا جلتا لگتا ہے۔ مسجد کے مینار سے سبز رنگ کی شعاع کا اخراج ہوتا ہے اور یہ شعاع نہایت دور سے دیکھی جا سکتی ہے اور اس سے شہر کے رہنے والوں کو قبلے کی سمت کا اندازہ ہوتا ہے۔

مسجد کے تعمیراتی کام کا آغاز 12 جولائی 1986ء کو کیا گیا اور افتتاح سابق شاہِ مراکش حسن ثانی کی 60 ویں سالگرہ کے موقع پر 1989ء میں کیا جانا تھا لیکن مسجد کے تعمیراتی کام میں تاخیر کے باعث اس کا افتتاح 30 اگست 1993ء کو ہوا۔ مسجد کی تعمیر میں مراکش بھر کے 6 ہزار ماہرین نے 5 سال تک محنت کی۔

بیرونی روابط[ترمیم]

  • حسن ثانی مسجد Sacred Destinations کی ویب سائٹ پر مضمون، تصاویر و نقشہ جات کے ساتھ


  1. ^ پال کلیمر (1 فروری 2009). مراکش. LP. pp. 105–. ISBN 978-1-74104-971-8. http://books.google.com/books?id=Kkl5d8NRCOEC&pg=PA105۔ اخذ کردہ بتاریخ 3 اکتوبر 2012.