مسیح (ضدابہام)
مسیح سے مراد اردو میں عام طور پر حضرت عیسی
کی لی جاتی ہے اور چونکہ تاریخی دستاویزات میں درج ، عیسی کے معجزات میں مردوں کو زندہ کردینا اور نابیناؤں کو بینائی عطا کرنا بھی شامل ہیں اسی بچانے یا نئی زندگی عطا کرنے کے تصور سے اردو میں یہ لفظ مسیح (مسیحا) بطور نجات دہندہ کے بھی متبادل استعمال میں دیکھا جاتا ہے۔ مزید یہ کہ اسی بچانے والے کے تصور سے بڑھ کر یہ لفظ مسیحا ، طبیب کے لیۓ بھی ادا کیا جاسکتا ہے اور کسی اور نجات دہندہ کے لیۓ بھی اور ایسا کرنے کے دوران عام طور پر کسی قسم کا مذہبی پس منظر یا نظریہ شامل نہیں ہوتا۔ انگریزی میں اسکا متبادل لفظ messiah آتا ہے جو مذکورہ بالا وجوہات ہی کی بنیاد پر savior کے طور پر بھی ادا کیا جاتا ہے۔
اشتقاقیات[ترمیم]
اپنی اصل الکلمہ میں مسیح کا لفظ عربی ہی کے ایک لفظ ، سیح (سَی + یَح) سے ماخوذ ہے جو بذات خود سح سے بنا ہوا لفظ ہے۔ سح کے بنیادی معنی ؛ (کچھ) لگانے ، پھیرنے ، ڈالنے (smear) اور بہاؤ ، سیلان (flow) وغیرہ کے ہوتے ہیں[1]۔ سح کے اول الذکر معنوں یعنی پھیرنے سے عربی اور اردو میں لفظ مسح (anointing)بھی بنایا جاتا ہے[2] جبکہ اس کے بعد الذکر معنی یعنی بہاؤ کا مفہوم اختیار کرتے ہوئے اسی سے سیح بنایا جاتا ہے جس کے معنی ، چلانے والے کے ہوتے ہیں ، اور چونکہ حضرت عیسی کے بارے میں بائبل میں مسح کرنے کا ذکر آتا ہے اور وہ مردوں کو زندہ بھی کر دیا کرتے تھے یعنی ان کو چلا دیا کرتے تھے اسی وجہ سے مسیح کے بنیادی معنوں میں (کسی مذہبی شے ، تیل ، پانی وغیرہ سے) مسح کیا ہوا اور مردوں کو چلانے والا دونوں مفاھیم شامل ہیں[3]۔ اتمامِ حجت کے لیۓ یہ تذکرہ بھی ضروری محسوس ہوتا ہے کہ اسی سح سے ماخوذ سیح (یعنی چلانے والا) سے اردو کے الفاظ سیاح (یعنی بہت سفر کرنے والا) اور سیاحت (یعنی طویل سفر) بھی اخذ کیے جاتے ہیں ، اول الذکر کے لیۓ انگریزی میں tourist اور بعد الذکر کے لیۓ tourism کے الفاظ آتے ہیں۔
متعلقہ صفحات[ترمیم]
حوالہ جات[ترمیم]
- ^ ایک روۓ خط عربی لغت میں لفظ سح کا اندراج۔
- ^ مسیح کی طرح سح سے بنے لفظ ، مسح کے معنی۔
- ^ ایک اردو لغت میں لفظ مسیح کا مفہوم۔
یہ ایک ضد ابہام صفحہ ہے: ایک جیسے نام والے صفحات کی ضد ابہام فہرست۔ اگر کسی اندرونی رابطے نے آپکو اس صفحہ تک پہنچایا ہے تو، آپ اس رابطے کو درست کرنے کی کوشش کرسکتے ہیں تاکہ وہ رابطہ درست اور متعلقہ صفحہ کی جانب ہو جائے۔ ضد ابہام کی تفصیل کیلیے دیکھیے ضد ابہام (فی الحال انگریزی میں)
