ادارہ فروغ قومی زبان

آزاد دائرۃ المعارف، ویکیپیڈیا سے
(مقتدرہ قومی زبان سے رجوع مکرر)
:چھلانگ بطرف رہنمائی، تلاش
ادارہ فروغ قومی زبان (مقتدرہ قومی زبان)
قسم ملحقہ ادارہ
تاسیس 1979
سردفاتر اسلام آباد, پاکستان
علاقۂ خدمت Standardisation and promotion of Urdu language
منتجات کتابیں، لغات، فرہنگ وغیرہ
خدمات ترویج اردو زبان
مالکان حکومت پاکستان
تقسیمات 6
ویب سائٹ http://www.nlpd.gov.pk
نام Title

ادارہ فروغ قومی زبان (مقتدرہ قومی زبان)

(National Language Promotion Department (National Language Authority


ادارہ فروغ قومی زبان (مقتدرہ قومی زبان)، حکومت پاکستان کی وزارت کابینہ ڈویژن کے ماتحت ادارہ ہے جس کا نصب العین ملک میں اردو زبان کی ترویج ہے۔اس ادارہ کا قیام 4 اکتوبر 1979ء کو آئین پاکستان 1973ء کے آرٹیکل 251 کے تحت عمل میں آیا تاکہ قومی زبان 'اردو' کے بحیثیث سرکاری زبان نفاذ کے سلسلے میں مشکلات کو دور کرے اور اس کے استعمال کو عمل میں لانے کے لیے حکومت کو سفارشات پیش کرے، نیز مختلف علمی، تحقیقی اور تعلیمی اداروں کے مابین اشتراک و تعاون کو فروغ دے کر اردوکےنفاذکوممکن بنائے۔اس ادارہ نے متعدد مفید کتابچے شائع کیے ہیں۔ حالیہ برسوں میں اس کے ایک ذیلی ادارے مرکز فضیلت برائے اردو اطلاعیات نے اردو کی شمارندہ پر استعمال کے حوالے سے کامیاب منصوبے شروع کیے ہیں۔

اغراض و مقاصد[ترمیم]

ادارہ کے موقع جال کے مطابق اس کے اغراض و مقاصد یہ ہیں:

  1. پاکستان کی قومی زبان کی حیثیت سے اردو کو فروغ دینے کے ذرائع و وسائل پر غور کرنا؛ نفاذ کے سلسلے میں تمام ضروری انتظامات کرنا اور سرکاری سطح پر قومی زبان کے جلد از جلد نفاذ کے لیے حکومت کو سفارشات پیش کرنا۔
  2. سرکاری/ نیم سرکاری دفاتر، عدلیہ اور دوسرے شعبوں میں کام کرنے والے ملازمین کی دوران ملازمت تربیت کی غرض سے لغات اور دوسرے پیشہ وارانہ مطالعاتی مواد کی ترتیب وتدوین کے لیے انتظامات کرکے اردو کو پورے ملک میں دفتری زبان کی حیثیث سے رائج کرنے کےعمل کو سہل بنایا۔
  3. اردو کی ترقی کے تمام اداروں کے مابین ارتباط قائم کرنا۔
  4. سرکاری ملازمتوں کے وفاقی اور صوبائی کمیشنوں کے تعاون سے اردو کو مقابلے کے امتحانات کی زبان کے طور پر اختیار کرنے میں آسانیاں پیدا کرنا۔
  5. دیگر ایسی ذمہ داریوں سے عہد برآہونا جو قومی زبان سے متعلق وزیر اعظم پاکستان مقتدرہ کے سپرد کر یں۔

انتظامی ڈھانچہ[ترمیم]

ادارہ ایک ملحقہ ادارہ ہے جو وزارت اطلاعات، نشریات و قومی ورثہ کے تحت کام کرتا ہے۔

مطبوعات ادارہ فروغ قومی زبان (مقتدرہ قومی زبان)[ترمیم]

ادارے نے مختلف موضوعات پر 668سے زائد کتب شائع کی ہیں۔

ادارہ فروغ قومی زبان کا کتب خانہ[ترمیم]

ادارے کا کتب خانہ ۳۵۰۰۰ سے زائد ذخیرہ کتب پر مشتمل ہے۔ اس میں ادارےکے مقاصد کے حوالے سے جدید تر موضوعات پر کتابیں اور کتب نادرہ کے علاوہ ۱۵۰۰۰ سے زائد رسائل و جرائد کا وسیع ذخیرہ بھی موجود ہے۔ اس کتب خانے کا ایک بڑا حصہ حوالہ جاتی کتابوں اور مواد پر مشتمل ہے جس میں تقریباً ہر اہم مضمون کی انسائیکلوپیڈیا، ڈکشنری اور ببلو گرافی موجود ہیں ۔ ۔کتب خانے میں مختلف موضوعات کی لغات و اصطلاحات کا وسیع ذخیرہ موجوہ ہے۔سمعی و بصری مواد کا کچھ حصہ بھی موجود ہے ۔ مطبوعات جامعہ عثمانیہ حیدر آباد دکن کا بھی بڑا حصہ نہایت محنت اور کوشش سے حاصل کیا گیا ہے۔بہت سی پرانی اور نایاب کتب کے حوالہ سے اس کتب خانے میں ایک الگ شعبہ "کتب نادرہ" کے نام سےقائم کیا گیا ہے جس میں سترھویں اٹھارویں اور انیسویس صدی کی بعض نایاب کتب و لغات شامل ہیں ۔اس کتب خانہ میں کتابوں کے علاوہ ایک بڑی تعداد نئے اور پرانے رسائل کی بھی ہے۔

بیرونی روابط[ترمیم]