ملکہ نور اردن

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

پیدائش: 23 اگست 1951ء

ملکہ نور

اردن کی ملکہ۔ مرحوم شاہ حسین کی بیوہ ۔ واشنگٹن ڈی سی میں پیدا ہوئیں۔ والد کا نام نجیب حلیمی ہے۔ 15 جون 1978 سے 7 فروری 1999 تک ارد ن کی ملکہ رہیں ملکہ نور کے والد نجیب حلیمی امریکہ میں امریکی ورلڈ ائیرویز کے سی ای او تھے انہوں نے یو ایس کے ڈیفنس ڈپٹی سیکرٹری کے فرائض بھی سرانجام دئیے ۔ ملکہ نور کے چار بچے ہیں جن کے نام حمزہ ، ہاشم ، ایمان ، ریاح ہیں۔

ملکہ نور پوری دنیا میں امن و انصاف اور تعلیم کے فروغ کے لیے عالمی تنظیموں میں بہت سرگرم عمل ہیں اور خواتین کے حوالے سے مختلف اداروں میں انہوں نے ان کے حقوق کے بارے میں آواز اٹھائی ۔ ملکہ نور نے عالمی اداروں کے فورم پر مغربی اور مشرقی لوگوں کو سمجھانے کی کوشش کی کہ عرب مسلم خواتین کا کلچر ہے اور وہ کس طرح سیاست میں حصہ لے سکتی ہیں اور ان میں انہوں نے یہ بیداری اجاگر کر دی کہ عرب مسلم خواتین سیاست میں حصہ لے کر اپنے حقوق کے لیے کردار ادا کریں انہوں نے عرب مغربی تعلقات ، غربت ، مہاجرین ، گم شدہ افراد اور دیگر مسائل کو اجاگر کرنے کے لیے عالمی فورم پر آواز اُٹھائی اور ان کو سمجھانے کی کوشش کی کہ یہ مسائل ہیں ان کو حل کرنا اور ہماری پہلی ترجیح یہ ہے کہ مشرق وسطی میں امن قائم کیا جائے۔

ملکہ نور کے ایچ ایف اور کنگ حیسن فاؤنڈیشن انٹرنیشنل کی سربراہ ہیں اور اس تنظیم کو انہوں نے 1999ء میں بنایا ۔ اس تنظیم کا کام اردن اورخاص کر پوری قوم کے مقامی طور پر اور عالمی سطح پر تعلیم کے حوالے سے لیڈر شپ اورمعاشی ترقی کے حوالے سے فن و ثقافت کے حوالے ڈائیلاگ کرنا ہے اور ان کے ملک کا میڈیا بھی اس حوالے سے اہم کردار ادا کر رہا ہے۔