نجم الدین ایوب

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

نجم الدین ایوب یا نجم الدین ابن شاذی (انتقال: 9 اگست 1173ء) کرد نسل کا ایک سپاہی، سیاست دان اور فاتح بیت المقدس صلاح الدین ایوبی کے والد تھے۔


ابتدائی زندگی[ترمیم]

نجم الدین ایوب شاذی ابن مروان کے صاحبزادے اور شیر کوہ کے بھائی تھے۔۔ وہ کرد نسل کے قبیلے روادیہ سے تعلق رکھتے تھے۔ ان کے آل شداد سے قریبی تعلقات تھے اور 1130ء میں ان کی حکومت کے خاتمے کے بعد پہلے بغداد اور بعد ازاں تکریت منتقل ہوگئے جہاں انہیں علاقے کے حاکم بہروز نے گورنر مقرر کردیا۔ شاذی کے انتقال کے بعد نجم الدین ایوب نے اپنے والد کی جگہ تکریت کی گورنری سنبھالی۔

1132ء میں ایوب نے زنگی خاندان کے لئے خدمات انجام دیں اور تکریت کے قریب سلجوق سلطان کے خلاف جنگ میں حصہ لیا۔ نجم الدین نے دریائے دجلہ عبور کرتے ہوئے عماد الدین زنگی کی جان بھی بچائی۔ 1136ء میں شیر کوہ نے تکریت میں ایک عیسائی کو قتل کردیا جس پر دونوں بھائیوں کو جلاوطن کردیا گیا۔ کہا جاتا ہے کہ جس رات انہوں نے تکریت چھوڑا اسی رات نجم الدین کے ہاں بیٹا پیدا ہوا جس کا نام یوسف رکھا گیا یہی یوسف بعد ازاں صلاح الدین ایوبی کے نام سے دنیا بھر میں پہچانا گیا۔

عماد الدین زنگی نے نجم الدین کو بعلبک کا گورنر مقرر کیا لیکن جب 1146ء دمشق کے بوری اتابک معین الدین نے اس کو فتح کرلیا تو نجم دمشق آگیا۔ دوسری صلیبی جنگ کے دوران نور الدین زنگی نے شہر فتح کرلیا اور ایوب کو دمشق کا گورنر مقرر کیا۔

ایوب کے صاحبزادے صلاح الدین نے بھی نور الدین زنگی کی افواج میں خدمات انجام دیں اور فتح مصر میں اپنے چچا شیر کوہ کے ہمراہ تھا۔

انتقال[ترمیم]

نجم الدین 31 جولائی 1173ء کو شہسواری کے دوران ایک حادثے کا شکار ہوگئے اور 9 اگست کو خالق حقیقی سے جا ملے۔

صلاح الدین ایوبی کی ایوبی سلطنت کا نام نجم الدین ایوب کے نام پر ہی رکھا گیا ہےتھا۔

نجم الدین ایوب کی اولاد میں

شامل تھیں۔