نقل مقامی
سائنس اور بالخصوص وراثیات و خلیاتی حیاتیات میں نقل مقامی کا لفظ انگریزی کے trans-location کے متبادل کے طور پر اختیار کیا جاتا ہے، trans کے لفظ کا سابقہ عمومی طور پر عبر کے معنوں میں آتا ہے اور بنیادی طور پر اسکا مفہوم منتقلی کا ہوتا ہے (اسکی مزید وضاحت کیلیۓ انتقال (transduction) کا صفحہ دیکھیے) جبکہ location کا لفظ جگہ یا مقام یا مکان کا مفہوم رکھتا ہے۔ گویا کہ اسکو نقل مکانی بھی لکھنا علمی اعتبار غلط نہیں ہوگا مگر چونکہ نقل مکانی کا لفظ عام طور پر اردو میں migration کیلیۓ ہجرت کے لفظ کے نعم البدل کے طور پر بھی مستعمل ہے جو کہ اپنے مفوم میں motion یا حرکت سے زیادہ قریب ہوکر locomotion سے نزدیک آجاتا ہے جبکہ translocation کا لفظ (جیسا کہ نیچے اسکے استعمالات میں آجاۓ گا) زیادہ تر تصور میں مقام یا کسی چیز کی جگہ سے قربت رکھتا ہے اسی لیۓ سائنسی مضامین میں اسے نقل مقامی لکھا جاتا ہے۔
- علم وراثیات (genetics) میں کسی ایک لونجسیمے (chromosome) کے کسی حصے کا اپنے اس لونجسیمے پر اپنے مقام سے منتقل ہوکر کسی دوسرے لونجسیمے پر چلے جانا ، جسکو نقل مقامی لونجسیمہ (Chromosomal translocation) کہا جاتا ہے۔
- نباتات میں فلافہ (phloem) کے زریعے سے غذا کی منتقلی کا عمل۔
- علم سالماتی حیاتیات میں لحمیاتی تالیف (protein synthesis) کے دوران DNA کے عمل انتساخ یا transcription کے بعد رائبوسوم کا mRNA کے سالمے پر ایک کے بعد دوسرے codon پر نقل مقامی کرتے ہوئے ترجمہ (translation) کے زریعے لحمیات (protein) تیار کرنا۔
- علم سالماتی حیاتیات میں لحمیاتی تالیف (protein synthesis) کے دوران بننے والی لحمیات کے سالمات کا درون شاکلی شبکہ (endoplasmic reticulum) کی جھلی (membrane) سے گذر کر درون شاکلی شبکہ کے خانے میں آنے کا عمل بھی نقل مقامی کہلاتا ہے۔
یہ ایک ضد ابہام صفحہ ہے: ایک جیسے نام والے صفحات کی ضد ابہام فہرست۔ اگر کسی اندرونی رابطے نے آپکو اس صفحہ تک پہنچایا ہے تو، آپ اس رابطے کو درست کرنے کی کوشش کرسکتے ہیں تاکہ وہ رابطہ درست اور متعلقہ صفحہ کی جانب ہو جائے۔
