ٹام کروز

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

}} {{#if: - |

ٹام کروز
TomCruiseDec08MTV cropped.jpg
ٹام کروز دسمبر 2008 میں
ذاتی معلومات
پیدائش 3 جولائی 1962 بمقام نیو یارک، امریکہ
اصل نام تھامس کروز میپوتھر چہارم
دیگر نام ٹام
اداکاری کا دورانیہ 1981 تا حال
مشہور فلمیں مشن امپاسبل، بورن آن دی فورتھ آف جولائی، ٹاپ گن، آ فیو گڈ مین


ٹام کروز 3 جولائی 1962 کو پیدا ہوئے۔ [1] وہ ایک معروف ہالی وڈ اداکار ہیں ان کی معروف فلموں میں ٹاپ گن [2]، نائیٹ اینڈ ڈے [3]، مشن امپوسبل سیریز [4] کی چار فلمیں شامل ہیں۔ حال ہی میں ان کے راک آف ایجز میں ادا کیے گئے منفرد کردار کو ناقدین نے پسند کیا [5] ۔ آج کل وہ جیک ریچر نامی فلم پہ کام کر رہے ہیں۔ [6]

فنی کیرئیر[ترمیم]

ٹام کروز نے ابتدا میں چھوٹے کرار ادا کیے۔ وہ مشہور ہدایتکار ٹونی سکاٹ مرحوم کی فلم ٹاپ گن سے معروف ہوئے جس نے باکس آفس پہ 176 ملین ڈالرز کا کاروبار کیا۔ [7] اس کے علاوہ انھیں بورن آن دی فورتھ آف جولائی، میگنولیا، دی لاسٹ سیمورائی، کولیٹرل اور آ فیو گڈ مین میں اچھی اداکاری پہ کئی ایوارڈ ملے۔ انھوں نے بطور فلمساز مشن امپاسبل سے ابتدا کی، اس فلم میں ان کے ادا کیے گئے ایکشن سین کافی مقبول ہو چکے ہیں۔ آج کل وہ جیک ریچر میں کام کر رہے ہیں جس میں ان کا کردار ایک تفتیشی افسر کا ہے۔ [6] اس فلم کی ہدایت کرسٹوفر مک کیوری دے رہے ہیں۔ [8] اس کے علاوہ ٹاپ گن 2 اور مشن امپاسبل 5 کی شروعات جلد ہونے والی ہے۔ [1]


ذاتی زندگی[ترمیم]

ٹام کروز نے تین شادیاں کیں، تینوں طلاق پہ منتنج ہویئں۔ ان کی پہلی شادی اداکارہ مِمی روجرز سے، دوسری نکول کڈمین سے اور تیسری شادی اداکارہ کیٹی ہومز سے ہوئی تھی جس کا اختتام کیٹی ہومز کی طرف سے عدالت میں خلع کی درخواست اور اس کے نتیجے میں طلاق پہ ہوا۔ کیٹی ہومز سے ان کی ایک بیٹی سوری کروز پیدا ہوئیں۔ جو اب اپنی ماں کے ساتھ رہیں گی۔ [9] ٹام کروز سائینٹولوجی مذہب کے ماننے والے ہیں۔ ٹام کروز کے مشہور فٹ بالر ڈیوڈ بیکھم سے قریبی دوستانہ مراسم ہیں۔ [10]

اعزازات[ترمیم]

2012 میں ٹام کروز کو فوربس میگزین کی جانب سے سات کروڑ پچاس لاکھ ڈالر سالانہ کمائی کے ساتھ ہالی وڈ اداکاروں میں سر فہرست ہونے کا اعزاز ملا۔ [11] [12] ٹام کروز کو تین بار گولڈن گلوب سے نوازا جا چکا ہے۔

نوٹس[ترمیم]