پی باڈی اعزاز

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش

پی باڈی اعزاز ایک امریکی اعزاز ہے جس کا اجرا 1940ء سے ہوا۔ شروع میں یہ اعزازت صرف ریڈیو پروگراموں کو دیے جاتے تھے مگر 1948ء میں ٹیلی وژن پروگراموں کو بھی انعام پانے والوں کی فہرست میں شامل کر لیا گیا۔ یہ اعزاز ہر سال مئی یا جون کے پہلے ہفتے میں تقسیم کیا جاتا ہے۔ جس کیلئے سال میں بیس سے لے کر پینتیس پروگرام اور فلمیں حقدار ٹھہرتی ہیں، ان انعام کے حقداروں کے چناؤ کیلئے کسی بھی فن پارے کی تجارتی کامیابی کی بجائے اس کے فنی پہلوؤں کو مدنظر جاتا ہے۔

تاریخ[ترمیم]

پی پاڈی اعزاز کے اجرا سے متعلق 1939ء میں فیصلہ کیا گیا۔ اور اس اعزاز کی تقسیم پہلی بار 1941ء میں عمل میں آئی جو 1940 میں تخلیق کیئے گئے پروگراموں میں سے چیدہ چیدہ پروگراموں کو دیئے گئے۔ اعزازات دینے کے اس ادارے کو رقم جارج فاسٹر بی باڈی نامی تاجر نے مہیا کی، لہذا اس اعزاز کو اسی کا نام دیا گیا۔

ریڈیو کے لیے شروع کیئے گئے اس اعزاز میں ٹی ایوارڈ بھی شامل کر لیئے گئے، 1990ءاس میں مزید وسعت اور غیر ملکی فلموں کو بھی اس میں شامل کر لیا گیا۔ لیکن جو فلمیں تجارتی نقطہ نگاہ سے بنا کر سینما گھروں میں نمائش کرنے کیلئے بنائی جاتی ہیں، وہ اس اعزاز کی مستحق نہیں سمجھی جاتیں۔ اس اعزاز کی ایک خاص بات جو اسے دوسرے اعزازات سے ممتاز کرتی ہے کہ اس کیلئے پہلے ہی وہ فن پارے چن لیئے جاتے ہیں جنہیں اس اعزاز سے نوازنا مقصود ہوتا ہے اور انہیں ہی اس کے لیئے مدعو کیا جاتا ہے نہ کہ اعزاز کی لیئے ایک سے زیادہ فلمیں اور پروگرام نامزد کیئے جائیں اور تقسیم کے دن جیتنے والے کا اعلان کیا جائے۔



بیرونی روابط[ترمیم]