کانشی رام

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
کانشی رام

پیدائش: 1934

انتقال:9 اکتوبر 2006ء

ہندوستان کی دلت پارٹی بہوجن سماج پارٹی کے بانی اور دلت سیاست کے علمبردار ۔پنجاب کے ضلع روپڑ کے ایک گاؤں میں ایک غریب گھرانے میں پیدا ہوئے تھے۔ انہیں جدید ہندوستان میں بھیم راؤ امبیڈکر کے بعد دلت سماج کا سب سے بڑا رہنما تصور کیا جاتا ہے ۔

انہوں نے1970 کی دہائی میں دلت سیاست کا آغاز کیا، برسوں کی محنت کے بعد بہوجن سماج پارٹی کی تشکیل کی اور اسے اقتدار کے ایوانوں تک پہنچایا-اپنے اصولوں پر عمل کرتے ہوئے انہوں نے خود کبھی کوئی عہدہ قبول نہیں کیا۔کانشی رام اگرچہ ہمیشہ یہی کہا کرتے تھے کہ بہوجن سماج پارٹی کا واحد مقصد اقتدار حاصل کرنا ہے لیکن وہ ذات پات پرمبنی ہندوستانی معاشرے میں ہمیشہ دلتوں کے حقوق اور سماجی برابری کے لیے جدوجہد کرتے رہے۔

ان کی قیادت میں بی ایس پی نے1999 پارلیمانی انتخابات میں 14 سیٹیں حاصل کیں۔1995 مین اتر پردیش میں ان کی سیاسی شاگرد مایاوتی وزیر اعلی بنیں۔ بی ایس پی کا اثرآج اتر پردیش کے علاوہ پنجاب اور مدھیہ پر دیش تک پھیلایا۔کانشی رام ایک ماہر سیاست دان تھے اور دلتوں میں ان کا خاصا اثر رہا۔ وہ ایک بار اتر پردیش اور ایک بار پنجاب سے رکن پارلیمنٹ بھی چنے گئے۔انہوں نے شادی نہیں کی۔ فالج، ذیا بیطس اور اعصابی دیاؤ کے باعث ان کا انتقال ہوا