Xfce

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
Xfce / ایکس ایف سی ای
Xfce-4.4.png
xfce مکتبیہ
نمو از متعدد کامی
تازہ ترین اخراجہ 4.6.1 / 2009-04-19; 5 سال قبل
تعمیلیاتی نظام یونکس کی طرح کے
صنف مکتبیہ معدود
اجازہ GPL, LGPL, BSD
موقع جال www.xfce.org

Xfce (جس کا تلفظ یہ یہ چار ہجے پڑھ کر ہی کیا جاتا ہے) مفت اور آزاد مکتبیہ ہے جو یونکس اور اس قبیل کے تعملیاتی نظامات، جیسا کہ لینکس، کے لیے بنیایا گیا ہے۔ اس کا شعار یہ ہے کہ تیز اور ہلکا پھلکا ہو مگر پھر بھی دلکش ہو تاکہ آنکھوں کو بھائے۔ تازہ اخراجہ 4.6 مطبقدار اور دوبارہ استعمال کے برمجی اصولوں پر تعمیر کیا گیا ہے۔ یہ علیحدہ علیحدہ اجزا پر مبنی ہے جو مِل کر پورے مکتبیہ کا کام دیتے ہیں، مگر ان کے کسی ذیلی مجموعہ کو صارف چُن کر اپنا من پسند ماحول تخلیق کر سکتا ہے۔ ایکس ایف سی ای کا بنیادی مقصد کم طاقت کے شمارندہ پر ایک جدید مکتبیہ ماحول فراہم کرنا ہے۔ چوہیا مارکہ اس مکتبیہ میں سفر کا تمام انحصار فارہ پر ہے، اور گرم کلید کو اہمیت نہیں دی گئی، جو اس مکتبیہ کی مقبولیت میں رکاوٹ رہا ہے۔


تاریخ[ترمیم]

اولیور فورڈان Olivier Fourdan نے یہ پراجیکٹ 1996ء کو شروع کیا، اس کا نام Xfce دراصل “XForms Common Environment” کا مخفف ہے، XForms وہ لائبریریاں ہیں جنہیں ایکسفس کا صارف مواجہ بنانے کے لیے استعمال کیا گیا، مگر ایکسفس کو بعد میں دوبارہ لکھا گیا اور XForms لائبریریوں کا استعمال ترک کردیا گیا، اس کے با وجود نام کو برقرار رکھا گیا مگر اب اسے انگریزی میں “XFce” کی بجائے “Xfce” لکھا جاتا ہے.

ورژن 2.0 سے قبل[ترمیم]

اگرچہ پراجیکٹ کی بنیاد 1996ء میں رکھی گئی تاہم اس پر باقاعدہ کام 1997ء کے اوائل میں ہی شروع ہوسکا، یہ ایک چھوٹے سے پراجیکٹ کے طور پر شروع ہوا جس میں XForms لائبریریاں استعمال کی گئیں، مقصدہ یہ تھا کہ یہ نہ صرف ہلکا پھلکا ہو بلکہ آزاد مصدر ہو، لینکس پر کام کر سکے اور CDE سے مشابہ ہو.

ورژن 2.x[ترمیم]

اولیور فورڈان نے پراجیکٹ پر کام جاری رکھا اور 1998ء میں ورژن 2.x جاری کیا جس میں ونڈو منیجر Xfwm کا پہلا ورژن شامل تھا، اولیور فورڈان نے ریڈ ہیٹ Red hat سے اپنے پراجیکٹ کے الحاق کے لیے درخواست دی مگر اس کی درخواست مسترد کردی گئی کیونکہ اس کا پراجیکٹ XForms لائبریریوں پر مبنی تھا جو اس وقت کلوزڈ سورس تھیں اور صرف ذاتی استعمال کے لیے مفت تھیں اور ریڈ ہیٹ والے صرف آزاد مصدر اطلاقیے ہی قبول کرتے تھے.

ورژن 3.x[ترمیم]

غیر آزاد XForms لائبریریاں جو پراجیکٹ میں استعمال کی جارہی تھیں پراجیکٹ کی ترقی کی راہ میں رکاوٹ ثابت ہو رہی تھیں، جبکہ gtk+ لائبریریوں کی مقبولیت میں اضافہ ہو رہا تھا، چنانچہ اولیور فورڈان نے gtk+ پر منتقلی کا فیصلہ کیا اور مارچ 1999ء میں ایکسفس کے تمام سابقہ ورژن ختم کردیے اور gtk+ کے استعمال سے پراجیکٹ کو نئے سرے سے لکھنے کے کام کا آغاز کردیا، جس کا نتیجہ ایکسفس 3.0 کے طور پر سامنے آیا، gtk+ کے استعال سے اب نہ صرف یہ کہ ایکسفس کو جنرل پبلک لائسنس GPL کے تحت جاری کرنا ممکن ہوگیا بلکہ اس سے ایکسفس میں کئی خوبیاں بھی شامل ہوگئیں جیسے عالمی زبانوں کی معاونت، اندازِ ترتیب میں بہتری اور ڈریگ اینڈ ڈراپ کی سپورٹ وغیرہ، فروری 2001ء میں ورژن 3.8.1 کے اجراء کے ساتھ ہی اسے SourceForge پر رجسٹر کر کے اپلوڈ کردیا گیا.

ورژن 4.x[ترمیم]

ورژن 4.0.0 میں ایکسفس بہت ترقی کر گیا، اسے gtk+ ورژن 2 پر اپگریڈ کردیا گیا اور بہت ساری اہم تبدیلیاں کی گئیں جیسے SVG نوعیت کی آئکنز پر انحصار اور Xfwm میں ایفکٹس کی خوبی، جنوری 2007ء میں ورژن 4.4.0 جاری کیا گیا جس میں واضح اور خوشگوار تبدیلیاں دیکھنے کو ملیں، سابقہ فائل منیجر Xffm کو بدل کر تھنر Thunar فائل منیجر شامل کیا گیا، اور ڈیسک ٹاپ پر آئکن رکھنا بھی ممکن ہوگیا ساتھ ہی بہت سارے بصری ایفکٹ کی معاونت بھی دیکھنے کو ملی.

ایکسفس کے اطلاقیے[ترمیم]

ایکسفس بہت سی پروگرامنگ لائبریریاں فراہم کرتا ہے جن کی مدد سے اس کے ماحول میں اطلاقیے بنانے میں مدد ملتی ہے، ان لائبریریوں کے استعمال سے ایکسفس کے لیے بہت سارے اطلاقیے منظرِ عام پر آئے جیسے ماؤس پیڈ Mousepad متن مدون، ایکس ایف میڈیا Xfmedia موسیقی پلیئر اور بہت سارے پلگ ان.

Screenshot xfce urdu slax.png

اردو ترجمہ[ترمیم]

ایکسفس کی مقبولیت کسے ساتھ ہی اس کا دنیا کی مختلف زبانوں میں ترجمہ کیا گیا جس میں خوش قسمتی سے اردو بھی شامل ہے۔ "ایکس ایف سی ای" کو مکمل طور پر اردویا جا چکا ہے۔ نہ صرف یہ بلکہ اس اردو مکتبیہ کو استعمال کرتے ہوئے زندہ قرص بھی جاری کی گئی ہے۔[1][2]

اردو ترجمہ میں کافی جگہ انگریزی کلمہ نویسی کا سہارا لیا گیا ہے جس کی وجہ موجودہ دور کے انگریزی زدہ اردو طبقہ کی شمارندگی کی اردو اصطلاحات سے نابلدی ہے۔

استعمال[ترمیم]

ایسی بہت ساری لینکس ڈیسٹروز ہیں جو صرف ایکسفس ڈیسک ٹاپ پر ہی مبنی ہیں، ان میں سے کچھ یہ ہیں: Urdu Slax2, Xubuntu, Xfld, Zenwalk Linux, SaxenOS, Vector Linux, PureOSlight, SAM Linux, Mythbuntu, Parted Magic, Kwort, Linux Mint, FreeSBIE, KateOS, dyne:bolic, Dreamlinux, BeleniX, Archie, Debian (ایکسفس ورژن)


مزید[ترمیم]

‘‘http://ur.wikipedia.org/w/index.php?title=Xfce&oldid=824516’’ مستعادہ منجانب