غریب (اصطلاح حدیث)

علم حدیث میں غریب سے مراد وہ حدیث ہے جس کے سلسلہ اسناد میں کسی طبقہ میں روایت کا دارومدار صرف ایک راوی پر ہو،اگرچہ دوسرے طبقوں میں ،ایک سے زیادہ راوی بھی ہو سکتے ہیں۔ اسے حدیثِ مفرد بھی کہا جاتا ہے حدیث غریب کوفرد بھی کہتے ہیں پھرفرد کی دوقسمیں ہیں،

• فردِ مطلق:یہ حدیث غریب ہے
• فرد نسبی:یہ ہے کہ صحابی سے تومتعدد تابعی روایت کریں؛ لیکن اس کے بعد راوی کہیں ایک ہی رہ جائے؛

فرد اور غریب دونوں ہم معنی لفظ ہیں؛ مگرمحدثین عام طور پر فرد مطلق کوفرد اور فردِ نسبی کوغریب کہتے ہیں، ان کے ہاں یہ بات عجیب ہے کہ زمانہ تابعین میں تواس حدیث کو زیادہ راوی روایت کریں اور آگے کسی دور میں اس کاراوی ایک رہ جائے، اس سے یہ بھی معلوم ہوا کہ ایسی حدیث غریب ہونے کے باوجود صحیح ہی رہتی ہے، بشرطیکہ سند کا اتصال قائم ہو اور رواۃ کمزور نہ ہوں؛ سوکسی حدیث کا غریب ہونا اس کی صحت کے منافی نہیں ہے۔ حدیثِ غریب کی مندرجہ ذیل دو قسمیں ہیں:

• غریبِ مطلق: جس حدیث کی اصل سند ہی میں غرابت ہو، وہ غریب ِ مطلق کہلاتی ہے۔ یعنی وہ حدیث جسے صرف ایک صحابی روایت کر رہے ہوں
• غریبِ نسبی: یہ وہ حدیث ہے جس کے آغاز میں نہیں، بلکہ درمیان میں غرابت پائی جاتی ہواور صرف ایک راوی پایاجائے۔