شہلا رضا

شہلا رضا
معلومات شخصیت
پیدائش	15 مئی 1964ء (60 سال)  کراچی
شہریت	پاکستان
جماعت	پاکستان پیپلز پارٹی
مناصب
رکن صوبائی اسمبلی سندھ
رکنیت سنہ 13 اگست 2018
حلقہ انتخاب	سندھ صوبائی اسمبلی کی خواتین کے لیے مخصوص نشست
پارلیمانی مدت	15ویں سندھ صوبائی اسمبلی
عملی زندگی
پیشہ	سیاست دان
مادری زبان	اردو
پیشہ ورانہ زبان	اردو

سیدہ شہلا رضا (پیدائش 15 مئی 1964 کراچی، پاکستان ) پاکستان پیپلز پارٹی کی ایک سیاست دان ہیں۔ 2014ء سے وہ سندھ اسمبلی کی ڈپٹی اسپیکر ہیں۔ 2008 میں وہ سندھ اسمبلی کی تیرہویں اسمبلی میں متفقہ طور پر ڈپٹی اسپیکر منتخب ہوگئیں، اور چودھویں اسمبلی میں اس منصب کے لیے 2013 میں دوبارہ منتخب ہوگئیں

ابتدائی تعلیم

شہلا رضا نے جامعہ کراچی میں انڈرگریجویٹ اور گریجویٹ تعلیم مکمل کی 1991 میں فزیولوجی میں ماسٹر کی ڈگری حاصل کی

سیاسی کیریئر

اس کا سیاسی کیریئر اس وقت شروع ہوا جب وہ یونیورسٹی میں تعلیم حاصل کررہی تھی۔ 1986 میں جب وہ سیاسی سرگرمیوں پر پابندی عائد تھی تو وہ پاکستان پیپلز پارٹی کے طلبہ ونگ پیپلز اسٹوڈنٹس فیڈریشن میں شامل ہوگئیں۔ ان کی سیاسی سرگرمی فوجی حکمرانی کے اس دور میں شروع ہوئی۔ تین سال بعد شہلا رضا کو پیپلز اسٹوڈنٹ فیڈریشن کا جوائنٹ سکریٹری منتخب کیا گیا۔سیاسی طور پر وہ بے نظیر بھٹو کو مانتی تھیں جنھوں نے انھیں 2009 کے انتخابات کے لیے سندھ اسمبلی میں پارٹی کی "خواتین کی مخصوص نشست" کے لیے منتخب کیا۔

ذاتی زندگی

1991 میں اس نے غلام قادر سے شادی کی، جو ایک سابق سیاست دان اور پھر شاہ زیب فارماسیوٹیکل کمپنی کے جنرل منیجر تھے۔ ان کا پہلا بچہ، ایک بیٹی، 1992 میں پیدا ہوئی۔ 1994 میں اس کا ایک بیٹا ہوا۔ یہ دونوں 2005 میں ٹریفک حادثے میں ہلاک ہو گئے۔