ویکیپیڈیا:2014ء اردو ویکیپیڈیا

یہ صفحہ ایک نظر میں: یہ اردو ویکیپیڈیا کی تاریخ ہے، نا کہ ویکیپیڈیا کی مکمل تاریخ، اس میں دی گئی معلومات، ویکیپیڈیا کی مختلف شماریات ، صارفین، منتطمین اور مواد کے تبادلۂ خیال سے لی جانی چائیں، ديگر ذرائع ابلاغ (اخبارات، رسائل و انٹرنیٹ وغیرہ) پر اردو ویکیپیڈیا سے متعلق مواد کو بھی حوالہ کے ساتھ استعمال کیا جاسکتا ہے، مزید تفصیل اور نمونہ کے لئے دیکھیں ویکیپیڈیا:2014ء اردو ویکیپیڈیا، یہ سلسلہ مضامین اردو ویکیپیڈیا کی ترقی اور اس کے صارفین کی خدمات کو بعد میں آنے والے صارفین کے لیے محفوظ کرنا ہے۔ یہ ان لوگوں کی محنت اور خلوص کا بیان ہے جنہوں نے اپنے قیمتی وقت سے اردو زبان میں معلومات کو حوالہ جات کے ساتھ تعصب و جانبداری سے اوپر اٹھ کر یہاں اردو ویکیپیڈیا پر پیش کیا۔لوگ آتے رئے اور کام کر کے جاتے رئے، لیکن ان کی خدمات کو یاد رکھنا اردو ویکیپیڈیا کی اخلاقی ذمہ داری میں آتا ہے

2014ء کا سال اردو ویکیپیڈیا کے لیے ایک اہم اور اچھا سال ثابت ہوا، 2014 میں اردو ویکیپیڈیا نے پہلے 30 ہزار اور پھر50 ہزار مضامین کا ہدف عبور کیا، سال کے شروع میں ایک منتظم کو قانونی کارروائی کے ذریعے اختیارات سے بے دخل کیے جانے پر کچھ پرانے لوگ روٹھے تو کئی نئے اور با صلاحیت صارفین کا بھی اضافہ دیکھنے میں آیا۔ سال ختم ہوتے ہوتے مزید افراد کو منتظم اور ایک منتظم کو مامور اداری کی ذمہ داری سونپی گئی۔

سنگ میل[ترمیم]

تفصیلی مضمون کے لیے ویکیپیڈیا:پچاس ہزاری جشن ملاحظہ کریں۔

24 اپریل 2014ء میں اردو ویکیپیڈیا نے 50 ہزار کا سنگ میل عبور کیا۔جس پر اردو ویکیپیڈیا برادری کو خراج تحسین پیش کرنے کے لیے ایک مستقل صفحا بنایا گیا، جس پر کئی افراد نے 50ہزار مضامین کی تکمیل پر مبارک باد، تجاویڑ، مشورے اور تنقیدی آراء سے بھی نوازا۔ 50 ہزار مضامین کی تکمیل پر سماجی روابط کی ویب سائٹ^[1]، بلاگ^[2] اور اخبارات^[3] و رسائل نے خبریں و تعارف شائع کیے۔

پاکستانی ویکیپیڈین سے متعلق سروے 2014ء[ترمیم]

سروے کرانے اور یہ رپورٹ تیار کرنے والے (ثاقب قیوم ) ویکیپیڈیا کے رضاکار ایڈیٹر اور پاکستان میں ویکیپیڈیا کے افیلیٹ نمائندے ہیں۔ ان سے saqib.qayyum@hotmail.com پر رابطہ کیا جاسکتا ہے۔ وہ ٹوئٹر پر WikimediaPK@ کے نام سے ٹویٹ کرتے ہیں۔ اصل سروے رپورٹ آپ یہاں ملاحظہ کر سکتے ہیں۔
ذیل میں اس رپورٹ کا ترجمہ ہے، جس میں ٹائپنگ یا ترجمہ کی غلطیاں متوقع ہیں۔

ترجمہ رپورٹ[ترمیم]

ویکیپیڈیا پاکستان میں مقبول ویب سائٹوں میں سے ایک ہے، ہر ماہ لاکھوں پاکستانی انٹرنیٹ صارفین اسے معلومات کے لیے استعمال کرتے ہیں۔ سائٹ کی اس مقبولیت کے باوجود، پاکستان سے متعلق موضوعات پر مواد اور خود پاکستانیوں کی طرف سے اس دائرۃ المعارف میں نمائندگی (تعاون) بہت کم ہے۔
پاکستانی قارئین اور ویکیپیڈیا کے ساتھ ان کے تعلق کو بہتر طریقے سے سمجھنے کے لیے اور یہ جاننے کے لیے کہ (پاکستانی صارفین) ویکیپیڈیا میں شراکت کیوں نہیں کرتے، پاکستان میں پہلی بار ویکیمیڈیا فاؤنڈیشن کی مشاورت سے ویکیپیڈیا کے قارئین سے ایک آن لائن سروے کرایا گیا^[4]۔ اس آن لائن سروے کا مقصد ویکیپیڈیا قارئین کے بارے میں آبادیاتی معلومات (Demographic Data) اکٹھا کرنا،ویب سائٹ کے بارے میں اُن کی آرا اور ترامیم کے حوالے سے صارفین کے رویے کو سمجھنا تھا۔ ریسرچ سروے اردو اور انگریزی ویکیپیڈیا کے لیے منعقد کیا گیا پاکستان میں ڈیسک ٹاپ کمپیوٹر پر ہر ویکیپیڈیا پڑھنے والے کے لیے (اس سروے کو) فعال کیا گیا تھا۔ یہ سروے 9 نومبر2014 سے11 نومبر کے درمیان تقریبا 48 گھنٹوں کے دوران کیا گیا، اس دوران 7,000 میں سے5,376 افراد نے 70فیصدسوالات کے جواب دیے۔ذیل میں دیے گئے اعدار و شمار، سروے کے دوران پوچھے گے سوالات اور ساتھ میں ديئے گئے جوابات، فقط سروے کا عمومی خلاصہ ہیں اور ہر سوال ایک علاحدہ سوال کے طور پر پڑھا جائے۔ سروے کے نتائج سے ظاہر ہوا کہ56 فیصد (6192 میں سے 3460) پاکستانی ویکیپیڈین ہر روز ایک بار سائٹ کا دورہ کرتے ہیں۔ یہ بات قابل غور ہے کہ دنیا بھر سے ویکیپیڈیا استعمال کرنے میں پاکستان سے صرف 0.3 فیصدنمائندگی ہوتی ہے۔ اس کو آپ اس سے سمجھیں کہ ہر سال مجموعی طور پر ویکیپیڈیا کے صفحات کو دنیا بھر سے 18 ارب بار دیکھا جاتا ہے، جبکہ ان 18 ارب میں ، پاکستان سے صرف 2 کروڑ 80 لاکھ کی تعداد شامل ہے)۔ پاکستان سے ان 28 ملین صارفین کو آپ اگر دنیا بھر کے 18 بلین صارفین کے تناظر میں دیکھیں، جن میں ہر ماہ 500 ملین منفرد صارفین بھی شامل ہیں اور اس کے باوجود، جواب دینے والوں کی دوتہائی تعداد نے کہا کہ وہ جانتے ہیں کہ ویکیپیڈیا ایک غیر منافع بخش منصوبہ ہے (صرف 32فیصدافراد نے کہا کہ وہ نہیں جانتے کہ ویکیپیڈیا ایک غیر منافع بخش منصوبہ ہے)۔
جواب دینے والوں میں 87فیصد پاکستانیوں نے مرد اور صرف 11فیصد نے بطور عورت کے اپنی شناخت ظاہر کی، (6,698 نے اس سوال کا جواب دیا تھا)۔ دنیا کے جنوبی حصے کے اس تجزیہ نے ویکیپیڈیا پرایک بڑے صنفی فرق کی نشان دہی کی گئی ہے، دنیا کے اس حصے سے قارئین اور ترامیم کرنے والے اکثر مرد ہوتے ہیں۔

ایسے لگتا ہے کہ پاکستان میں ویکیپیڈیا مغربی ممالک کی نسبت کم عمر قارئین کو جلد اپنی طرف متوجہ کرتا ہے ۔ عمر کی بنیاد پر 6,723 جوابات

37% (2,490) نے بتایا کہ وہ 21 سے 25 سال کی درمیانی عمر کے ہیں۔
21% (1,427) جواب دینے والے صرف 16 سے 20 سال کے تھے۔
17% (1,149) نے اپنی اپنی 26 سے 30 سال کے درمیان بتائی۔

ملازمت سے متعلق سوال پر 6,650 کے جوابات

47 % (3,131) نے کہا کہ وہ طالب علم ہیں
27% (1,799) ملازمت کر رہے ہیں
12% (785) اپنا کاروبار کرتے ہیں
7% (446) یا تو بے روزگار ہیں یا کام کی تلاش میں ہیں

تعلیمی قابلیت سے متعلق6,636 افراد کےجوابات

33% (2,202) نے خود کو بی اے ظاہر کیا
20% (1,347) نے ایم اے تھے
14% (939) نےخود کو مڈل پاس ظاہر کیا

(اس سوال کے جواب میں صرف ایک ہی آپشن منتخب کیا جا سکتا تھا)
جب ویکیپیڈیا پڑھنے یا استعمال کرنے کی بنیادی وجہ جاننے کی کوشش کی گئی تو 6,182 نے جواب میں کہا

69% (4,257) نے”معلومات اور علم کے لیے“ منتخب کیا
67% (4,178) نے ”مطالعہ اور تحقیق کے لیے“ منتخب کیا
52% (3,226) نے ”ذاتی تجسس اور دلچسپی کے لیے“منتخب کیا
22% (1,348) نے ”تفریح یا شوق (مشغلہ) کے لیے“ منتخب کیا
22% (1,340) نے ”کام کرنے کے لیے“منتخب کیا

سروے کے مطابق، 97% جواب دینے والوں نے (6.156 میں سے 5.976 نے) ویکیپیڈیا کو مفید یا کافی حد تک مفید پایا۔ 6.099 میں سے 77% (4,694) جواب دینے والوں کے مطابق انگریزی ویکیپیڈیا پر پاکستانی موضوعات پر مواد بہت اچھا یا اچھا ہے۔ ۔(میرے اپنے مشاہدے میں ہے کہ پاکستانی موضوعات پر مواد کمزور درجہ کا ہے، اس کی وجہ پاکستان سے ترمیم کرنے والوں کی کم تعداد ہو سکتی ہے)۔ صرف 4% (254) نے کہا کہ انگریزی ویکیپیڈیا پر موجودہ پاکستانی موضوعات پر مواد غیر معیاری یا بالکل ہی غیر معیاری ہے۔باقی 19٪ (1151) منصفانہ معیار کے طور پر اس کی درجہ بندی کرتے ہیں۔
جواب دینے والوں سے پوچھا گیا کہ وہ کیا سمجھ کر ویکیپیڈیا کا استعمال بطور ایک وسیلہ معلومات کے کرتے ہیں۔

63% (3,894) نے” ویکیپیڈیا، معلومات کا ایک مقبول ماخذ “ منتخب کیا
43% (2,650) نے ”ویکیپیڈیا کے مندرجات (مواد) کے معیاری ہونے کی وجہ سے “چنا
41% (2,541) نے جواب دیا کہ وہ اپنے سوالوں کے جواب کی تلاش میں رہتے ہیں۔
40% (2,463) سمجھتے ہیں کہ ”ویکیپیڈیا کو استعمال کرنا آسان ہے (یوزر فرینڈلی)“'
37% (2,295) نے کہا کہ ”ویکیپیڈیا پر اعتبار کی وجہ سے“
30% (1,828) کے نزدیک وجہ ”ویکیپیڈیا مضامین میں تازہ ترین معلومات کا ہونا ہے“

(اس سوال کے ایک سے زائد جواب دیے جا سکتے تھے)

ویکیپیڈیا ایک کثیر اللسانی منصوبہ ہے جو اس وقت 285 سے زائد زبانوں میں جاری ہے۔ بشمول پاکستانی زبانوں کے جیسے اردو، پشتو، سندھی اور پنجابی۔ لیکن پاکستانیوں کی ایک بڑی تعداد انگریزی ویکیپیڈیا کے قارئیں اور ترمیم کنندگان پر مشتمل ہے۔جب ان سے پوچھا گیا کہ وہ پاکستانی زبانوں میں ویکیپیڈیا کے وجود سے آگاہ ہیں یا نہیں؟
6,071 جواب دینے والوں میں سے 38% (2,320) نے بتایا کہ وہ ان زبانوں کے ویکیپیڈیا ایڈیشن سے لا علم ہیں، جبکہ 47% (2,835) نے کہا وہ اس بارے جانتے ہیں، مگر وہ انگریزی ویکیپیڈیا استعمال کرتے ہیں۔ 849 افراد نے اس سوال، کے جواب میں ، کہ کیا وہ دیگر پاکستانی زبانوں کے ویکیپیڈیا استعمال کرتے ہیں، 92% (784) نے اردو17% (144) نے پنجابی ویکیپیڈیا کا نام لیا۔ جب ان سے پوچھا گيا کہ وہ غیر انگریزی ویکیپیڈیا (دیگر پاکستانی زبانوں میں) کا کس قدر استعمال کرتے ہیں تو 38% ( 845 میں سے 320) نے کہا مہینے میں ایک آدھ بار ہی، لیکن اس بات پر کہ کیا پاکستانی زبانوں میں بھی ویکیپیڈیا کے مضامین کو ہونا چائیے تو اس پر 49% (5,904 میں سے 2907 ) نے کہا کہ ہاں یہ بہت ضروری ہے یا ضروری ہے۔
جب ان سے دیگر ذرائع ابلاغ کے استعمال سے متعلق پوچھا گیا تو 6,137 نے کہا

22% (2,017) وہ دن میں کم از کم ایک بار پڑھتے ہیں۔
26% (1,598) نے کہا کہ وہ مہینے میں بہت ہوا تو ایک بار پاکستانی آن لائن اخبار پڑھ لیتے ہیں

دنیا بھر سے ہر ماہ ویکیپیڈیا کے انگریزی نسخے (ورژن) پر 2.9 ملین ترامیم ہوتی ہیں، جن میں سے صرف 7000 پاکستان سے کی جاتی ہیں۔(جو کل ترامیم کا صرف 0.5 فیصد بنتا ہے)۔ سروے کے دوران جواب دینے والوں میں سے 18 فیصد (5895 میں سے 1073) نے کہا وہ تو جانتے ہی نہیں کہ ہر کوئی ترمیم کر سکتا ہے۔ جبکہ 61% (3,580) نے کہا وہ یہ (بات) جانتے ہیں، مگر کبھی کوئی ترمیم نہیں کی۔صرف 6% (364) نے کہا کہ انہوں نے حال ہی میں ترمیم (یا ترامیم) کی ہے۔اور 15% (877) نے کہا کہ وہ پہلے ترمیم کرتے رئے ہیں، مگر ابھی حال میں کوئی ترمیم نہیں کی۔
پوچھا گیا کہ وہ ویکیپیڈیا میں ترامیم کیوں نہیں کرتے (اس سوال کے ایک سے زائد جواب دیے جا سکتے تھے)

38٪ (4084 میں سے 1566) نے کہا وہ صرف پڑھنے سے دلچسپی رکھتے ہیں
38٪ (4084 میں سے 1545) نے کہا ویکیپیڈیا میں شراکت (ترمیم) کے لیے ان کو (طریقہ کی )معلومات نہیں ہیں
32% (1,313) نے کہا کہ انہیں ڈر ہے کہ ترمیم کے دوران ان سے غلطی سرزد ہو جائے گی
29% (1,190) کہتے ہیں ، ان کے پاس وقت نہیں
23% (945) نے جواب دیا، ان کا زیادہ وقت سماجی روابط کی ویب سائٹس پر صرف ہوتا ہے
21% (850) کا جواب تھا، ویکیپیڈیا پر ترامیم کرنا وہ ضروری نہیں سمجھتے، کیوں کہ وہ پہلے ہی کوئی دوسرا کام کر رہے ہیں
18% (740) لوگ دوسرے کے کام میں ترمیم نہیں کرنا چاہتے
17% (705) ترمیم کرنا جانتے ہی نہیں

سوال کیا گیا وہ اب یا پہلےویکیپیڈیا پر ترمیم کیوں کرتے تھے/ہیں؟

63% (735) کہتے ہیں انہیں تبادلہ علم کا تصور پسند آیا۔
55% (654) نے کہا وہ ترمیم کوئی غلطی نظر آنے پر اسے درست کرنے کے لیے کرتے ہیں۔ (یا کی)۔
37% (432) اس بات پر یقین رکھتے ہیں کہ دنیا کے ہر شخص کے لیے معلومات مفت مہیا ہوں۔
21% (249) نے کہا، انہیں ویکیپیڈیا کا فلسفہ دیانت داری اور تعاون پسند آيا۔

4,737 نے کہا وہ موبائل فون رکھتے ہیں، 55% (2,593) نے کہا کہ وہ ویکی پیڈیا تک رسائی میں (موبائل) کے ڈیٹا چارجز کو حائل نہیں پاتے۔45 فیصد (2,144)کے مطابق کبھی کبھار انہیں ڈیٹا چارجز رکاؤٹ محسوس ہوتی ہے۔
جب پوچھا گیا کہ اگر ویکیپیڈیا کو مفت کر دیا جائے تو کیا وہ اسے استعمال کریں گے ۔ 68 فیصد(4،792 میں 3،260نے) کہا کہ اس سے ویکیپیڈیا کااستعمال بہت زیادہ ہو جائے گا۔ ابھی یہ اعداد وہ شمار بالکل ابتدائی ہیں۔ ان سے پاکستان میں ویکی پیڈیا پڑھنے اور استعمال کرنے کے علاوہ ویکیپیڈیا تک رسائی کے حوالے سے بھی معلومات حاصل ہوئی ہیں۔
اس سروے کو ویکی میڈیا بلاگ پر دیکھنے کےلیے کلک کریں۔

میڈیا[ترمیم]

اردو ویکپیڈیا کو آپ کی ضرورت ہے
فائل:Tahir Mehmood news on UrduPoint.jpg
فائل:Editorial Computing Jan 2014.JPG

اہم موضوعات[ترمیم]

حالیہ واقعات[ترمیم]

رائے شماریاں[ترمیم]

توسیعات[ترمیم]

برائے منتظمی[ترمیم]

شمار	برائے	صارف	شروع	اختتام	کل ووٹ	حمایت	مخالفت	نتیجہ
1	معزولی	صارف:Urdutext	13 جنوری	19 جنوری	25	19	6	26 جنوری کو معزول کر دیا گيا
2	منتظم	Obaid Raza (تبادلۂ خیال • شراکت • منتقلی • پابندی • شماریات)	26 ستمبر	10 اکتوبر	13	12	0	10 اکتوبر کو منتظم بنا دیے گئے
3	منتظم	امین اکبر (تبادلۂ خیال • شراکت • منتقلی • پابندی • شماریات)	5 نومبر	15 نومبر	12	12	0	16 نومبر کو منتظم بنا دیے گئے
4	منتظم	అహ్మద్ నిసార్ (تبادلۂ خیال • شراکت • منتقلی • پابندی • شماریات)	5 نومبر	15 نومبر	12	12	0	16 نومبر کو منتظم بنا دیے گئے
5	مامور اداری	صارف:Tahir mq	10	11نومبر	14	14	0	11 نومبر کو مامور اداری بنا دیے گئے

برائے مامور اداری[ترمیم]

ویکیپیڈیا:مامورین اداری/رائے شماری/Tahir mq

مزید دیکھیے[ترمیم]

بیرونی روابط[ترمیم]

حوالہ جات[ترمیم]

بیرونی روابط[ترمیم]

[1] ttps://www.facebook.com/computingpk/posts/814548305241839

[2] ttp://www.lhrtimes.com/2014/05/16/official-wikimedia-affiliate-organization-recognised-pakistan/http://blog.wikimedia.org/2014/05/15/unleashing-the-latent-potential/

[3] ttp://www.dailyhindustanexpress.com/gujashtah_shumare/april2014/27_04_2014/epaper/page_7_large.htm

[4] اردوپوائنٹ: ویکی پیڈیا سروے رپورٹ

[1]

[2]

[3]

[4]