گا مو رے ایچی

جاپان کے بابائے اردو گا مُو رے ایچی
وفات	1977
پیشہ	اردو کے پروفیسر اور کئی کتابوں کے مصنف
شہریت	جاپانی
مادر علمی	ٹوکیو یونیورسٹی آف فارن اسٹڈیز (اس وقت ٹوکیو اسکول آف فارن اسٹڈیز)

پروفیسر گا مو رے ایچی ٹوکیو اسکول آف فارن اسٹڈیز سے 1923ء میں فارغ التحصیل ہوئے جسے آگے چل کر ٹوکیو یونیورسٹی آف فارن لینگویجز کا درجہ حاصل ہوا۔ وہ جاپان میں اردو پڑھانے والے پہلے شخص تھے اور اسی سلسلے میں انھیں 1934ء میں پروفیسر کا درجہ حاصل ہوا۔ اردو زبان کے تئیں ان کی خدمات کی بنا پر انھیں جاپان کا "باباے اردو" کہا جاتا ہے۔

جاپان میں تدریسی کتب کی عدم دست یابی اور رے ایچی کی پہل

جس زمانے میں رے ایچی درس وتدریس میں سرگرم تھے، اس وقت جاپان میں اردو کتب کا حصول بے حد دشوار تھا۔ اس کمی کو پورا کرنے کے لیے رے ایچی نے 1938 میں "اردو کے ابتدائی قواعد" کے عنوان سے کتاب لکھی جو نووارد طلبہ کے لیے مشعلِ راہ کا کام دینے لگی تھی۔ اس کے علاوہ انھوں نے "باغ وبہار" کا جاپانی زبان میں ترجمہ کیا۔

دیگر تصانیف

مذکورہ کتب کے علاوہ رے ایچی نے بول چال کی اردو پر کئی کتابیں لکھی۔ اس کے ساتھ ہی ایران اور اسلامی ثقافت پر ان کی نوشتہ کئی کتابیں منظرعام پر آئیں۔ یہ ساری کتابیں آج بھی ان کی تدریسی جامعہ میں محفوظ ہیں۔

انتقال

رے ایچی کا انتقال 1977 میں ہوا۔

مزید دیکھیے

• جاپان میں اردو