جہالۃ بالراوی (اصطلاح حدیث)

طعن کا لفظی معنی ہے نیزہ مارنا۔ راوی میں طعن کا مطلب ہے کہ راوی کی عدالت و ثقاہت میں کلام کیا اور کسی وجہ سے راوی کی عدالت کو مجروح قرار دیا جائے۔ ان طعن کے اسباب میں سے ایک سبب جہالت بالراوی ہے۔ لغت میں جہالت علم کا متضاد ہے۔ اصطلاح میں راوی کی ذات یا صفات کے غیر معروف ہونے کو جہالت کہتے ہیں۔
اسباب جہالت تین ہیں۔

1. راوی کی صفات بہت زیادہ ہوں اور اس کا تذکرہ کسی خاص مقصد کے لیے مشہور صفت کی بجائے دوسری صفت سے کیا جائے۔
2. اسناد میں نام نہ لینے کی وجہ سے جہالت ہوتی ہے اور مبہم الفاظ استعمال ہوتے ہیں ایسے لوگوں کے تعارف کے لیے محدثین نے مبہمات نامی کتابیں تحریر کی ہیں۔
3. کئی روای بہت تھوڑی روایات والے ہوتے ہیں ان کے تلامذہ بھی کم ہوتے ہیں عام واقفیت نہ ہونا باعث جہاالت ہوتا ہے ایسے راویوں کے لیے محدثین نے وحدان نامی کتابیں لکھی ہیں۔