اے آر بلوچ

عبدالرسول بلوچ

پیدائش: 1915ء

انتقال:اتوار 3 جولائی 2005 ء

سندھ کے نامور ہرفن مولا فنکار۔ اے آر بلوچ کے نام سے شہرت حاصل کی ۔حیدر آباد میں پیدا ہوئے۔ اے آر بلوچ اپنی منفرد آواز، ادائیگی کے انداز کی وجہ سے الگ پہچان رکھتے تھے۔ اس وجہ سے ڈراما کی دنیا کے بادشاہ تھے، جن سے کئی ابھرتے ہوئے فنکاروں نے سیکھا اور بلندیوں کو چھوا۔

انھوں نے فن کی ابتدا ریڈیو پاکستان حیدرآباد سے صدا کاری سے کی۔ کچھ عرصہ اسٹیج پر بھی کام کیا بلوچ کے بارے میں یہ مشہور تھا کہ ان کو جو بھی کردار ملا، انھوں نے اپنی آواز کے جادو سے اس میں جان ڈال دی۔ پی ٹی وی کے ’جنگل‘ اور ’دیواریں ‘ جیسے سپرہٹ ڈراموں کے علاوہ درجنوں اسٹیج، ریڈیو اور ٹی وی کے اردواور سندھی ڈراموں اور فلموں میں کام کیا۔