آئینہ (فلم)

آئینہ
ہدایت کار	نذر الاسلام
پروڈیوسر	اے آر شمسی
منظر نویس	بشیر نیاز
ستارے	ندیم شبنم ریحان قوی خان زرقا شاہ زیب (چائلڈ اسٹار)
موسیقی	روبن گھوش
سنیماگرافی	افضل چوہدری
ایڈیٹر	ارشد درانی
تاریخ نمائش	18 مارچ 1977ء (1977ء-03-18)
دورانیہ	3 گھنٹے
ملک
زبان	اردو

آئینہ (انگریزی: Aina) 1977ء میں جاری ہونے والی اردو زبان میں پاکستانی فلم تھی۔

فلم آئینہ 18 مارچ، 1977ء میں نمائش کے لیے پیش ہوئی۔ اس فلم کے فلم ساز اے آر شمسی، ہدایت کار نذر الاسلام،نغمہ نگار تسلیم فاضلی، اختر یوسف اور موسیقار روبن گھوش تھے۔ آئینہ نے پاکستان میں کامیابی کے نئے ریکارڈ قائم کیے۔ کراچی صرف ایک سینما اسکالا میں اس کی نمائش 4 سال، 9 ماہ، 27 دن جاری رہی۔ یوں اس فلم نے مجموعی طور پر اپنی نمائش کے 401 ہفتے مکمل کیے۔

اداکار

فلم کی کاسٹ میں ندیم، شبنم، ریحان، قوی خان، زرقا، شاہ زیب (چائلڈ اسٹار)، خالد سلیم موٹا، حنیف، ناصرہ، بابر، نمو اور نینا شامل تھے۔

موسیقی

اس فلم کی موسیقی روبن گھوش نے ترتیب دی جبکہ نغمات تسلیم فاضلی اور اختر یوسف نے لکھے۔ اس فلم میں مہدی حسن، مہناز بیگم، نیرہ نور اور عالگیر نے اپنی آواز کا جادو جگایا۔

نغمات

• مجھے دل سے نہ بھلانا (مہدی حسن)
• مجھے دل سے نہ بھلانا (مہدی حسن،مہناز بیگم)
• کبھی میں سوچتا ہوں (مہدی حسن)
• وعدہ کرو ساجنا (مہناز بیگم، عالگیر)
• روٹھے ہو تم کو کیسے مناؤں پیا (نیرہ نور)

اعزازات

آئینہ نے مجموعی طور پر 12 نگار ایوارڈ حاصل کیے۔ یہ ریکارڈ ایسا ریکارڈ ہے جو آج بھی قائم ہے۔ آئینہ نے یہ ایوارڈ جن شعبوں میں حاصل کیے ان میں :

نمبر شمار	شعبہ	نام	ایوارڈ کا نام
1	بہترین اردو فلم سال 1977ء	آئینہ	نگار ایوارڈ
2	بہترین ہدایت کار	نذر الاسلام	نگار ایوارڈ
3	بہترین اداکار	ندیم	نگار ایوارڈ
4	بہترین اداکارہ	شبنم	نگار ایوارڈ
5	بہترین معاون اداکار	ریحان	نگار ایوارڈ
6	بہترین موسیقار	روبن گھوش	نگار ایوارڈ
7	بہترین نغمہ نگار	تسلیم فاضلی: مجھے دل سے نہ بھلانا	نگار ایوارڈ
8	بہترین گلوکار	مہدی حسن: مجھے دل سے نہ بھلانا	نگار ایوارڈ
9	بہترین مکالمہ نگار	بشیر نیاز	نگار ایوارڈ
10	بہترین عکاس	افضل چوہدری	نگار ایوارڈ
11	خصوصی ایوارڈ	عالمگیر (پاپ گلوکار)	نگار ایوارڈ
12	خصوصی ایوارڈ	شاہ زیب (چائلڈ اسٹار)	نگار ایوارڈ