راجا بازار (انگریزی: Raja Bazaar) راولپنڈی کا تجارتی اور رہائشی علاقہ جو پنجاب، پاکستان میں واقع ہے۔ راجا بازار راولپنڈی میں کچھ بڑے کاروباری اور تجارتی مراکز، بڑے بینکوں کی شاخیں اور برطانوی نوآبادیاتی دور کے وسیع رہائشی علاقے ہیں۔ راجا بازار سے جڑی کئی سڑکیں یعنی ٹرنک بازار، لیاقت روڈ، موتی بازار ، بھابڑا بازار ، نمک منڈی اور نرنکاری بازار کو جاتی ہیں۔ راجا بازار میں ضروریات زندگی کی بہت سی چیزیں دستیاب ہوتی ہیں۔[1]
راجا بازار میں پرانے اور برطانوی دور کی رہائشی اور تجارتی عمارتیں موجود ہیں اور اس میں زیادہ تنگ گلیاں ہیں۔ راجا بازار راولپنڈی میں کپڑا بازار، لکڑ بازار، مسالا بازار اور سبزی منڈی جیسے چھوٹے بازاروں کے علاوہ بڑے بازار بھی ہیں۔ [2] اس کے مرکز میں آر ڈی اے پارکنگ پلازہ ہے۔
راجا بازار میں استعمال شدہ کتابیں ، بالٹیاں ، رسیاں ، صابن کے کیس ، ہیئر بینڈ، چوڑیاں ، تھیلے اور دیگر لوازمات سڑک کے کنارے دکانداروں سے دستیاب ہیں۔ سڑک کے کنارے یہ چھوٹی دکانیں راجا بازار کا حسن اور سب سے بڑی توجہ کا مرکز ہیں۔ ہفتے کے آخر میں دونوں طرف کی دکانیں جمعہ بازار سے کھچا کھچ بھر جاتی ہیں۔
